Xalıq deputatları Bozataw rayonlıq Keńesi janındaǵı Reglament hám deputatlıq ádep-ikramlılıǵı máseleleri boyınsha turaqlı komissiyanıń gezektegi májilisi bolıp ótti.
Májilistiń kún tártibinde Ózbekstan Respublikası Oliy Majlis Senatı Keńesiniń 2026-jıl 22-iyundaǵı KQ-360-V-sanlı qararı menen tastıyıqlanǵan Xalıq deputatları wálayat, rayon hám qala Keńesleri sessiyalarında Xalıq qabıllawxanalarınıń málimlemelerin, hákimler hám aymaqlıq mámleketlik organlar hám shólkemler basshılarınıń xalıq múrájatları menen islesiw boyınsha esabatların tıńlawdıń úlgili tártibi keńnen dodalandı.
Májilis dawamında jańa úlgili tártiptiń mazmunı, onı ámelge engiziw mexanizmleri hám jergilikli Keńes deputatlarınıń qadaǵalaw funkciyaların jáne de kúsheytiw máseleleri boyınsha pikir almasıw ótkerildi. Sonıń menen birge, xalıq múrájatların sapalı kórip shıǵıw, sistemalı máselelerdi óz waqtında anıqlaw hám olardı sheshiwde deputatlıq qadaǵalawdı kúsheytiw boyınsha tiyisli usınıslar bildirildi.
Komissiya aǵzaları bul qarardıń talapların ámelge asırıw hám jergilikli Keńes jumısında nátiyjeli qollanıw boyınsha tiyisli shólkemlerge usınıslar berdi.
Ashıqlıq, esap beriw hám xalıq múrájatlarına belsene qatnasıw – jergilikli Keńesler iskerliginiń eń áhmiyetli baǵdarlarınıń biri bolıp qaladı.