Xalq deputatlari Toyloq tumani Kengashiga 11-Adas saylov okrugidan saylangan deputat, doimiy komissiya kotibi A.Usmonov hamda tuman Favqulodda vaziyatlar bo'limi xodimlari hamkorligida tuman markazidagi "Vatanparvar" bog‘ida o‘rganish ishlari olib borildi.
🔍 Asosiy e’tibor: Bog‘ hududida faoliyat ko‘rsatayotgan attraksionlarning texnik sozligi, yong‘in xavfsizligi talablariga muvofiqligi va hujjatlarining joyidaligiga qaratildi.
💬 "Farzandlarimiz hordiq chiqaradigan maskanlar, eng birinchi navbatda, ular uchun xavfsiz bo‘lishi shart. Maqsadimiz — ko‘ngilsiz hodisalarning oldini olish," — deydi deputat A.Usmonov.
Yakunda aniqlangan kamchiliklarni bartaraf etish hamda xavfsizlik choralarini yanada kuchaytirish bo‘yicha mas’ullarga tegishli ko‘rsatmalar berildi.