O‘zbekiston Respublikasi Oliy Majlisi Senatining “Xalq deputatlari viloyat, tuman va shahar Kengashi huzurida ekspert guruhi tashkil qilish to‘g‘risida”gi 2025-yil 28-yanvardagi KQ-52-V-sonli qaroriga asosan, Xalq deputatlari Mirzo Ulug‘bek tumani Kengashining 2025-yil 26-fevraldagi III-9-37-14-200-R/25 sonli Xalq deputatlari Mirzo Ulug‘bek tumani Kengashi huzurida ekspert guruhi tashkil qilish to‘g‘risida”gi qarori tasdiqlangan.

Ekspert guruhi Mirzo Ulug‘bek tumani Kengashi va uning doimiy komissiyalari faoliyatini ekspert va axborot-maslahat jihatidan ta’minlash, ularning norma ijodkorligi faoliyati hamda nazorat-tahlil tadbirlarini tayyorlash va o‘tkazishga ko‘maklashish uchun tuzilgan, o‘z ishini jamoatchilik asosida olib boradigan maslahat organi hisoblanadi.

Xalq deputatlari Mirzo Ulug‘bek tumani Kengashi huzuridagi Ekspert guruhi o‘z zimmalariga yuklatilgan vazifalarni bajarish maqsadida, Kengash sessiyalarida, uning doimiy komissiyalari tomonidan tashkil etiladigan majlislarda va boshqa ommaviy tadbirlarda ishtirok etib kelmoqda.