Uchrashuvni kirish so’zi bilan ochgan partiya tuman kengashi raisi mamlakatimizda yoshlarning o‘z iste’dodlarini yorqin namoyon etishi yo‘lida davlatimiz rahbari tomonidan bardavom, izchil, amaliy tizim faoliyati yo‘lga qo‘yilganligi, O‘zbekiston yoshlari g‘ayrat-shijoati, iste’dodi, yuksak tafakkuri bilan jahonga tanilayotgani va ularning qo‘lga kiritayotgan yutuqlari mamlakatimizning salohiyatini, kuch-qudratini o‘zida yaqqol ifodalab turganligini alohida ta’kidladi. 

 Tadbirda so’z olgan tuman kengashi deputati Feruza Shodiyeva hozirgi vaziyatda yoshlarimizning huquqiy savodxonligini oshirish eng muhim ustuvor yo‘nalishlardan biri ekanligi, huquqiy savodxonlik demokratik-huquqiy davlat va fuqarolik jamiyati qurilishda muhim ahamiyat kasb etishi, bugungi islohotlarning mohiyatini tushunishda, ularni amalga oshirishda yoshlarning yanada faol ishtirokini ta’minlash muhim o'rin tutishini alohida ta'kidladi.

 Uchrashuv so’ngida tuman ta’lim sohasida va qator yillar davomida deputatlik faoliyati hamda jonkuyarligi bilan e’tirof etilgan “Milliy tiklanish” demokratik partiyasi Vobkent tuman kengashi raisi To’ymurod Yoqubov hayot faoliyati yoritilgan “Ezgulikning o’chmas saboqlari” kitobi taqdimoti bo’lib o’tdi.