Samarqand shahar Kengashi deputati Boltaeva Dilbar Olimovna 17-maktabda tahsil olayotgan o‘quvchi yoshlar bilan ochiq muloqot tarzida uchrashuv o‘tkazdi.

Uchrashuv davomida yoshlarning bugungi kundagi ta’lim jarayoni, ularning qiziqishlari, orzu-maqsadlari hamda kelajak rejalari haqida samimiy suhbat bo‘lib o‘tdi. Deputat yoshlarni har tomonlama qo‘llab-quvvatlash, ularni zamonaviy bilim va kasb-hunarga yo‘naltirish, vatanparvarlik ruhida tarbiyalash masalalariga alohida e’tibor qaratdi.

Shuningdek, uchrashuv davomida yoshlar o‘zlarini qiziqtirgan savollar bilan murojaat qilib, deputatdan batafsil javoblar oldilar. Tadbir iliq va samimiy ruhda o‘tib, yoshlar uchun foydali va motivatsion bo‘ldi.