O‘zbekiston Respublikasining «Fuqarolarning o‘zini-o‘zi boshqarish organlari to‘g‘risida»gi 22.04.2013 yildagi O‘RQ-350-sonli Qonuniga o‘zgartish va qo‘shimchalar kiritish haqida O‘zbekiston Respublikasi Qonuni ijrosini ta’minlash maqsadida Xalq deputatlari Urganch shahar Kengashi raisi P.Ro‘ziboyev hamda deputat S.Masharipovlar “Mustaqillik” mahallasida saylovchilar bilan uchrashdilar. 

Uchrashuv davomida «Fuqarolarning o‘zini-o‘zi boshqarish organlari to‘g‘risida»gi Qonunga kiritilgan so‘nggi o‘zgartish va qo‘shimchalarning mazmun-mohiyati aholiga batafsil tushuntirildi. Qonunchilikdagi yangiliklar asosida mahalla fuqarolar yig‘inlarining vakolatlari kengayganligi, ayniqsa, mahalla hududidagi ijtimoiy-iqtisodiy muammolarni hal qilishda o‘zini-o‘zi boshqarish organlarining roli kuchaytirilgani ta’kidlandi. 

Muloqot yakunida qonun ijrosini ta’minlashda mahalla faollari va deputatlar hamkorligini yanada kuchaytirish bo‘yicha kelishib olindi.