Bugun Xalq deputatlari Ulugʻnor tumani Kengashining yettinchi chaqiriq oʻn uchinchi sessiyasi boʻlib oʻtdi.

Bugun Xalq deputatlari Ulugʻnor tumani Kengashining yettinchi chaqiriq oʻn uchinchi sessiyasi boʻlib oʻtdi. Sessiya kun tartibida tumanda jinoyatchilik va huquqbuzarliklarning oldini olishga qaratilgan profilaktik chora-tadbirlarlari, shuningdek, Ulugʻnor tumanining ijtimoiy-iqtisodiy rivojlanishiga doir dasturlar muhokama qilindi. Sessiya davomida masʼul idoralar axborotlari tinglanib, belgilangan yoʻnalishlar boʻyicha deputatlar tomonidan bildirilgan takliflarga asosan qarorlar qabul qilin.

Ichki yo‘llarni asfaltlash bo‘yicha deputatlik so‘rovi o‘z natijasini berdi.

So‘nggi yillarda hududlarda yo‘l infratuzilmasini yaxshilashga qaratilgan davlat siyosatini amalga oshirishda vakillik organi nazoratining o‘rni tobora ortib bormoqda. Axoli murojaatlari va ular ko‘targan masalalar davlat organlari faoliyatida ustuvor yo‘nalish sifatida qaralmoqda. Shu ma’noda, ichki yo‘llarni asfaltlash bo‘yicha deputatlik so‘rovining amaliy natija bergani vakillik va mahalliy ijro hokimiyati o‘rtasidagi samarali hamkorlikning yorqin misolidir. Tuman Kengashi deputati J.Ismonova tomonidan infratuzilmaning eskirishi va buning aholi kundalik turmushiga salbiy ta’siri haqida bildirilgan so‘rov natijada asfalt qoplamasi yotqizilishi zarur bo‘lgan ichki yo‘llar tegishli dasturlarga kiritilib, ichki yo‘llarda asfaltlash ishlari amalga oshirildi. Bugungi kun tajribasi yana bir bor ko‘rsatdiki, deputatlar tomonidan yo‘llarga oid muammolarni ko‘tarish va ularning ijrosini talab qilish fuqarolar farovonligi yo‘lida muhim siyosiy mexanizmdir.

Bugun xalq deputatlari Ulug'nor tumani Kengashining navbatdagi 9-sessiyasi bo'lib o'tdi.

Bugun xalq deputatlari Ulug'nor tumani Kengashining navbatdagi 9-sessiyasi bo'lib o'tdi. Sessiyada xalq deputatlari Andijon viloyati Kengashi kotibiyati mudiri N.Toychiyeva hamda tuman/shahar Kengashlari kotibiyatlari mudirlari va mutaxassislari ishtirok etdi. Sessiya kun tartibida: Ulug‘nor tumani ichki ishlar bo‘limi boshlig‘i Abduraxmonov Xurshidbek Olimjonovichning Ulug‘nor tumani ichki ishlar bo‘limi xodimlari tomonidan 2025-yilning 9 oyi davomida jinoyatchilik va huquqbuzarliklarga qarshi kurashish borasida amalga oshirilgan ishlari yuzasidan hisoboti, Yoshlarga oid Davlat siyosatining ijrosi yuzasidan Yoshlar ishlari agentligi Ulug‘nor tuman bo‘limi tomonidan 2025-yilning 9 oyi davomida amalga oshirilgan ishlar yuzasidan tuman yoshlar ishlari bo‘limi boshlig‘ining hisoboti hamda bir qator masalalar muhokama qilinib, mas'ullarga tegishli ko'rsatmalar berildi.

Joriy yilning 12-mart kuni Xalq deputatlari Ulug‘nor tumani Kengashining navbatdan tashqari sessiyasi bo‘lib o‘tdi.

Sessiya kun tartida: Qo‘ziyev Bobir Qodirovichni Ulug‘nor tumani hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimiga tayinlash to‘g‘risidagi tuman hokimining qarorini tasdiqlash; Ulug‘nor tumanini 2025-yil davomida “Zarbdor” tajribasi asosida sanoat, qishloq xo‘jaligi hamda xizmat ko‘rsatish yo‘nalishlarida tadbirkorlikni rivojlantirish va aholi bandligini ta’minlashga turtki beruvchi loyihalar ishlab chiqish hamda tumanni kompleks ijtimoiy-iqtisodiy rivojlantirish dasturini tasdiqlash; Ulug‘nor tumanini ishsizlik va korrupsiyadan holi hududga aylantirish hamda “Obod xonadon”, “Obod ko‘cha” va “Obod mahalla” mezonlarini joriy etishda sektorlar rahbarlari tomonidan “mahallabay” va “xonadonbay” ishlash tizimini tubdan takomillashtirish chora-tadbirlari; Olimpiya va paralimpiya harakati, ixtisoslashtirilgan va ommaviy sportni yangi bosqichga olib chiqish hamda aholi jismoniy faolligini oshirish bo‘yicha Ulug‘nor tumanida 2025-yilda amalga oshiriladigan ishlar muhokama qilib, yakunda tegishli qarorlar qabul qilindi.

Joriy yilning 7-fevral kuni Xalq deputatlari Ulug‘nor tumani Kengashining yettinchi chaqiriq 3-sessiyasi bo‘lib o‘tdi.

Joriy yilning 7-fevral kuni Xalq deputatlari Ulug‘nor tumani Kengashining yettinchi chaqiriq 3-sessiyasi bo‘lib o‘tdi. Sessiya kun tartibiga: “Hududlarni kompleks ijtimoiy-iqtisodiy rivojlantirish, aholi bandligini ta’minlash, kam ta’minlangan oilalarni kambag‘allik darajasidan chiqarish, doimiy yashash manzillaridan uzoq muddatga chiqib ketgan fuqarolar bilan ishlash, “Sayxunobod hamda Uychi tajribasi”ni joriy etish, “Mahalla yettiligi” faoliyatini samarali tashkil etish borasida” amalga oshirilgan ishlar yuzasidan sektor rahbarlarining hisobotlari hamda 2025-yilning 1-choragiga mo‘ljallangan “Yo‘l xarita”larini tasdiqlash; 2025-yilda Ulug‘nor tumanini kompleks ijtimoiy-iqtisodiy rivojlantirish borasida amalag oshiriladigan ishlar dasturini tasdiqlash; Ulug‘nor tumani hokimining o‘rinbosari, oila va xotin-qizlar bo‘limi boshlig‘i Parmonova Nargiza Saminjonovnaning “Ayollar daftari” 5-bosqichiga kiritilgan xotin-qizlarning muammolarini hal etish borasida amalga oshirgan ishlar yuzasidan hisoboti; Ulug‘nor tumanida 2024-2025-yillarda “Kambagʻallikdan farovonlik sari” dasturi doirasida tanlangan mahallalarda infratuzilmani yaxshilash dasturini tasdiqlash hamda bir qator rahbarlarning hisobot va axborotlari eshitildi.

Joriy yilning 4-fevral kuni Xalq deputatlari Ulug‘nor tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishi bo‘lib o‘tdi.

Joriy yilning 4-fevral kuni Xalq deputatlari Ulug‘nor tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishi bo‘lib o‘tdi. Doimiy komissiya yig‘ilishi kun tartibida: Ulug‘nor tumani prokurori Temirov Shavkatbek Xoshimjonovichning tumanda 2024-yilning 12 oyida qonuniylik ahvoli hamda jinoyatchilikka qarshi kurash holati bo‘yicha amalga oshirgan ishlari bo‘yicha hisoboti; Ulug‘nor tumani ichki ishlar bo‘limi boshlig‘i Abdurahmonov Xurshidbek Olimjonovichning Ulug‘nor tumani ichki ishlar bo‘limi tomonidan 2024-yilning 12 oyi davomida jinoyatchilik va huquqbuzarlikka qarshi kurashish borasida amalga oshirilgan ishlari yuzasidan hisoboti; Majburiy ijro byurosi Ulug‘nor tumani bo‘limi boshlig‘i Sh.Umaraliyevning hamda tuman adliya bo‘limi boshlig‘i F.Kunaboyevlarning 2024-yil davomida amalga oshirilgan ishlari yuzasidan axborotlari dastlabki tarzda ko‘rib chiqildi. Muhokama davomida tegishliligi bo‘yicha sohada amalga oshirilishi zarur bo‘lgan chora-tadbirlar hamda bir qator vazifalar belgilandi.

Bugun xalq deputatlari Ulug‘nor tumani Kengashining yettinchi chaqiriq birinchi sessiyasi bo‘lib o‘tdi.

Sessiya ishi davomida xalq deputatlari Ulug‘nor tumani Kengashiga saylangan deputatlarning partiya guruhlari ro‘yxatdan o‘tkazilib, tuman Kengashi Reglamenti va doimiy komissiyalar to‘g‘risidagi Nizom tasdiqlandi. Shuningdek, Andijon viloyati hokimining Axmadjonov Muxammadislomiddin Muxammadsobirovichni Ulug‘nor tumani hokimi lavozimiga tayinlash to‘g‘risidagi taqdimnomasiga asosan tumanni ijtimoiy-iqtisodiy rivojlantirishning istiqbolga mo‘ljallangan besh yillikka dasturi eshitildi va yakunida Axmadjonov Muxammadislomiddin Muxammadsobirovich Ulug‘nor tumani hokimi lavozimiga tasdiqlash bo‘yicha Xalq deputatlari tuman Kengashi qarori qabul qilindi.

Bugun xalq deputatlari Ulug‘nor tumani Kengashining navbatdagi 59-sessiyasi bo‘lib o‘tdi.

Sessiyada sektor rahbarlarining 2024-yilning 1-choragi davomida tumanda aholi bandligini ta’minlash, kam ta’minlangan oilalarni kambag‘allik darajasidan chiqarish, doimiy yashash manzillaridan uzoq muddatga chiqib ketgan fuqarolar bilan ishlash, “Sayxunobod tajribasi”ni joriy etish, aholi kayfiyatiga salbiy ta’sir ko‘rsatuvchi omillarni bartaraf etish, “Mahalla yettiligi” faoliyatini samarali tashkil etish borasida tumanda amalga oshirilgan ishlar, tuman mahalliy budjetini 2024-yilning 1-choragida ijro etilishi, O‘zbekiston Respublikasi Prezidentining Ulug‘nor tumanidagi Xalq qabulxonasi tomonidan 2024-yilning 1-choragi davomida aholi murojaatlari va muammolari bilan ishlash ahvoli hamda boshqa bir qator masalalar yuzasidan mas’ul rahbarlarning hisotlari eshitilib, muhokama etildi.

Yangiliklar

Kengashlar