Farg‘ona tumanidagi mas’ullar tomonidan “Deputatlik so‘rov”lari muddatida o‘rganilmoqda.

  Xalq deputatlari Farg‘ona tuman Kengashidagi O‘zbekiston “Adolat” SDP deputatlik guruhi deputatlari O.Dadajonova, F.Mirzayevlar tomonidan tumandagi Oqtepa va Birdamlik MFY hududlarida istiqomat qiluvchi fuqarolar murojaatlari yuzasidan qonuniy tarzda o‘rganib, amaliy tarzda yordam ko‘rsatish bo‘yicha tuman prokurori, sektor rahbari nomiga kiritilgan “Deputatlik so‘rovi” O‘zbekiston Respublikasi “Xalq deputatlari viloyat, tuman va shahar Kengashi deputatining maqomi to‘g‘risida”gi qonuning 8-moddasi ijrosini e’tiborga olgan holda o‘rganilganligi uchun tuman Kengashi deputatlari nomidan minnatdorchilik bildirib, shu o‘rinda deputat so‘roviga belgilangan vaqtida javob bermaganlik uchun Ma’muriy javobgarlik to‘g‘risidagi kodeksning 193-moddasi bilan javobgarlik belgilangan. Unga ko‘ra, davlat organlarining, fuqarolar o‘zini o‘zi boshqarish organlarining, mulkchilik shaklidan qat’i nazar korxonalar, muassasalar va tashkilotlarning mansabdor shaxslari tomonidan deputat so‘rovini ko‘rib chiqmasdan qoldirish yoki ularni ko‘rib chiqish muddatlarini uzrli sabablarsiz buzish yoxud ular yuzasidan bila turib noto‘g‘ri ma’lumotlarni qasddan taqdim etish – mansabdor shaxslarga BHMning 3 baravaridan 7 baravarigacha miqdorda jarima solishga sabab bo‘lishi haqida yana bir bor ogohlantirib qo‘ysak.

O‘zbekiston “Adolat” SDP Farg‘ona tumani deputatlik guruhi rahbari Ozodaxon Dadajonova