Ko‘p qavatli uylarda elektr ta’minoti holati o‘rganildi

Xalq deputatlari O‘rta Chirchiq tumani Kengashi deputati K.Bayzakov nomidan tuman Kengashi kotibiyati bosh mutaxassisi Sh.Eshov tomonidan “Uyg‘ur” mahalla fuqarolar yig‘ini hududida joylashgan ko‘p qavatli uylarda elektr ta’minoti va elektr hisoblagichlarining holati o‘rganildi.

O‘rganish davomida ko‘p qavatli uylarda elektr energiyasi ta’minotining barqarorligi, elektr hisoblagichlarining sozligi hamda ulardan foydalanish holatiga alohida e’tibor qaratildi.

Elektr ta’minoti bilan bog‘liq mavjud muammolarni aniqlash, elektr hisoblagichlarining texnik holatini ko‘zdan kechirish va aholiga uzluksiz hamda xavfsiz elektr energiyasi yetkazib berilishini ta’minlash masalalari ko‘rib chiqildi.

O‘rganishdan ko‘zlangan asosiy maqsad — ko‘p qavatli uylarda elektr ta’minoti sifatini yaxshilash, mavjud muammolarni aniqlash hamda fuqarolar uchun xavfsiz va qulay yashash sharoitlarini yaratishga ko‘maklashishdan iborat.

✅Xalq deputatlari O‘rta Chirchiq tuman Kengashi kotibiyati axborot xizmati!