#deputat_soʻrovi #poytaxtdeputatlari #deputatlik_faoliyati

❗️ TOSHKENT SHAHRIDA RAQAMLI IQTISODIYOT, SUN’IY INTELLEKT VA INNOVATSION LOYIHALAR IJROSI YUZASIDAN DEPUTATLIK SO‘ROVI YUBORILDI

🏛 Xalq deputatlari Toshkent shahar Kengashi deputati Majid Taxirov tomonidan poytaxtda raqamli iqtisodiyotni rivojlantirish, sun’iy intellekt texnologiyalarini keng joriy etish, innovatsion loyihalarni qo‘llab-quvvatlash hamda ajratilgan mablag‘lardan samarali foydalanish masalalari yuzasidan Toshkent shahar hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — Toshkent shahar iqtisodiyot va moliya bosh boshqarmasi boshlig‘i D. Xudaybergenov nomiga deputatlik so‘rovi yuborildi.

📩 Deputatlik so‘rovida 2024–2026-yillarda Toshkent shahrida raqamli iqtisodiyot, innovatsiyalar va sun’iy intellekt sohalarini rivojlantirish bo‘yicha belgilangan vazifalarning ijrosi hamda erishilgan natijalarni tahlil qilish masalasi ko‘tarilgan.

💻 Xususan, O‘zbekiston Respublikasi Prezidentining tegishli farmon va qarorlari hamda Vazirlar Mahkamasi qarori bilan raqamli iqtisodiyotni rivojlantirish, innovatsion faollikni oshirish va sun’iy intellekt texnologiyalarini keng joriy etish bo‘yicha belgilangan vazifalarning bajarilishiga alohida e’tibor qaratilgan.

💰 Deputat Majid Taxirov tomonidan mazkur yo‘nalishlarda amalga oshirilgan ishlar, erishilgan asosiy natijalar, ajratilgan va o‘zlashtirilgan mablag‘lar miqdori hamda ularning moliyalashtirish manbalari kesimidagi ko‘rsatkichlari haqida batafsil ma’lumot taqdim etish so‘ralgan.

🚀 Shuningdek, Toshkent shahrida amalga oshirilgan raqamli va sun’iy intellekt loyihalari, tashkil etilgan yoki qo‘llab-quvvatlangan startaplar hamda innovatsion korxonalar soni, ularning rivojlanishiga yaratilgan shart-sharoitlar yuzasidan ma’lumotlar olish masalasi ko‘tarilgan.

📊 Deputatlik so‘rovida belgilangan maqsadli ko‘rsatkichlarning bajarilish darajasi, bajarilmagan yoki to‘liq bajarilmagan vazifalar, ularning sabablari hamda 2026-yil yakuniga qadar amalga oshirilishi rejalashtirilgan chora-tadbirlar yuzasidan ham asoslantirilgan ma’lumotlar taqdim etish talab qilingan.

🔎 Shu munosabat bilan deputat Majid Taxirov tomonidan Toshkent shahar iqtisodiyot va moliya bosh boshqarmasi boshlig‘i D. Xudaybergenovdan mazkur masalalar bo‘yicha tahliliy ma’lumotlar, statistik ko‘rsatkichlar hamda mavjud muammolarni bartaraf etishga qaratilgan aniq takliflarni 10 kun muddatda taqdim etish so‘ralgan.

🤝 Toshkent shahrida raqamli iqtisodiyot va sun’iy intellekt texnologiyalarini rivojlantirish, innovatsion loyihalarni qo‘llab-quvvatlash hamda belgilangan vazifalarning samarali ijrosini ta’minlash bilan bog‘liq mazkur masalalar deputat Majid Taxirov tomonidan nazoratga olindi.

📱 Telegram 📱 Instagram 📱 Facebook 📱 YouTube 🔎 E-kengash