Tahlillar davomida murojaatlarning asosiy qismini quyidagi masalalar tashkil etgani aniqlandi:

- Aliment, qarz undirish va ijro ishi yuritishga oid masalalar — 269 ta (15,4 foiz);
- Nafaqa tayinlash, moddiy yordam ajratish va pensiyaga oid masalalar — 215 ta (12,3 foiz);
- Sodir etilgan huquqbuzarliklar, firibgarlik hamda surishtiruv-tergov harakatlariga oid masalalar — 120 ta (6,9 foiz);
- Xizmatchilar faoliyati va xatti-harakatlari bilan bog‘liq masalalar — 108 ta (6,2 foiz);
- Rahbarlar qabulini tashkil etish bo‘yicha so‘rovlar — 94 ta (5,4 foiz).

O‘rganish natijalari aholi murojaatlari bilan ishlash samaradorligini oshirish, fuqarolarni qiynayotgan muammolarni o‘z vaqtida hal etish hamda davlat organlari va tashkilotlarining murojaatlar bilan ishlashdagi mas’uliyatini kuchaytirish masalalariga alohida e’tibor qaratish zarurligini ko‘rsatdi.