✅ Aholi farovonligini oshirish, fuqarolarni doimiy daromad manbai bilan ta’minlash hamda ehtiyojmand oilalarni har tomonlama qo‘llab-quvvatlash bugungi kundagi muhim vazifalardan biridir. Bu borada mahallalarda amalga oshirilayotgan ishlarni o‘rganish, mavjud muammolarni aniqlash va ularning samarali yechimlarini topishda deputatlik nazorati alohida ahamiyat kasb etadi.
🇺🇿 Xalq deputatlari Parkent tuman Kengashiga 4-«Bo‘ston» saylov okrugidan saylangan deputat Usipxodjayev Yerlan Ormanovich Qirg‘izovul mahalla fuqarolar yig‘ini mahalla bankiri Mirvaliyev Bobomurod Dilmurod o‘g‘li bilan uchrashuv o‘tkazib, mahallada aholi bandligini ta’minlash, kambag‘al oilalarni kambag‘allikdan chiqarish hamda mikroloyihalarni rivojlantirish yo‘nalishida amalga oshirilayotgan ishlarni o‘rgandi. 🟢Muloqot davomida mahalladagi ishsiz fuqarolarni aniqlash, ularni kasb-hunarga yo‘naltirish, tadbirkorlik faoliyatiga jalb etish va yangi ish o‘rinlarini yaratish orqali aholi bandligini oshirish masalalariga alohida e’tibor qaratildi. Shuningdek, fuqarolarning mavjud salohiyati va imkoniyatlaridan kelib chiqib, ularni daromadli mehnat faoliyatiga yo‘naltirish, oilalarning iqtisodiy mustaqilligini mustahkamlash hamda turmush sharoitlarini yaxshilash yuzasidan amalga oshirilayotgan chora-tadbirlar muhokama qilindi.
💼 Mikroloyihalarni rivojlantirish — yangi imkoniyatlar va barqaror daromad manbai!
Mahallada kichik biznes va oilaviy tadbirkorlikni rivojlantirish, aholining tashabbuslarini qo‘llab-quvvatlash, mavjud resurslardan oqilona foydalanish hamda istiqbolli mikroloyihalarni amalga oshirish orqali qo‘shimcha daromad manbalarini yaratish muhimligi ta’kidlandi. Bunda mahalla bankirining aholi bilan manzilli ishlashi, fuqarolarning tadbirkorlik g‘oyalarini o‘rganishi va ularni ro‘yobga chiqarishga ko‘maklashishi dolzarb ahamiyatga ega.
📊 Kambag‘allikni qisqartirish — faqat moddiy yordam ko‘rsatish emas, balki oilalarni mustaqil daromad topishga yo‘naltirishdir. Shu nuqtayi nazardan, ehtiyojmand oilalarning muammolarini chuqur o‘rganish, ularning bandligini ta’minlash, kasbiy ko‘nikmalarini rivojlantirish va tadbirkorlik faoliyatiga jalb etish orqali kambag‘allikdan chiqarishga qaratilgan manzilli yondashuvning ahamiyati qayd etildi.
🟢Deputat tomonidan mazkur yo‘nalishdagi ishlarning samaradorligini o‘rganish, mavjud muammo va kamchiliklarni aniqlash, fuqarolarni qiynayotgan masalalar yuzasidan tegishli choralar ko‘rilishiga ko‘maklashish hamda amalga oshirilayotgan ishlarning natijadorligini oshirish muhimligi ta’kidlandi.
🟢 Uchrashuv davomida aholi bandligini ta’minlash, kambag‘al oilalarni kambag‘allikdan chiqarish, mikroloyihalarni kengaytirish va tadbirkorlik tashabbuslarini qo‘llab-quvvatlash borasidagi ishlarni izchil davom ettirish yuzasidan fikr almashildi.
🌱 Zero, har bir band fuqaro — oilasi farovonligining tayanchi, har bir muvaffaqiyatli mikroloyiha esa mahalla iqtisodiy taraqqiyotining muhim omilidir!
✅ Xalq manfaatlari yo‘lida olib borilayotgan deputatlik nazorati — muammolarni aniqlash, ularning yechimiga ko‘maklashish va aholi farovonligini yuksaltirishga xizmat qiladi!