#24_ta_masala Deputat nazorati: 32-sonli umumta’lim maktabida o‘rganish ishlari olib borildi
Xalq deputatlari Angor tumani Kengashi kotibiyatining tasdiqlangan rejasiga muvofiq, 20-“Do'stlik ” saylov okrugidan saylangan deputat O.Qulliyeva tomonidan navbatdagi o‘rganish tadbiri tashkil etildi.

Ushbu tadbir doirasida deputat okrug hududidagi 32-sonli umumta’lim maktabida bo‘lib, ta’lim dargohidagi mavjud sharoitlar bilan yaqindan tanishdi.

Xususan, jarayon davomida maktab kutubxonasi ko‘zdan kechirilib, o‘quvchilar uchun yaratilgan sharoitlar, badiiy va darslik adabiyotlarining yetarlicha ta’minlangani, shuningdek, yoshlarning kitobxonlikka bo‘lgan qiziqishini oshirish borasida amalga oshirilayotgan ishlar muhokama qilindi.

O‘rganishlar davomida aniqlangan masalalar yuzasidan tegishli tavsiyalar berilib, ularni hal etish yuzasidan mas’ullarga vazifalar belgilandi.