🔰“Yashil bog‘” loyihasini “Yashil jamoat parki” sifatida tashkil etish masalasi o‘rganildi

♻️Xalq deputatlari Jondor tumani Kengashining O‘zbekiston Ekologik partiyasi deputatlik guruhi tashabbusi bilan “Yashil makon” umummilliy loyihasi doirasida muhim tashabbus amalga oshirilmoqda.

♻️Jumladan, 2026-yilgi mavsumda “Ochiq budjet” portali orqali jamoatchilik fikri asosida g‘olib deb topilgan, “Oytug‘di” MFY hududidagi 0,5 gektar yer maydonida “Yashil bog‘” barpo etish loyihasini “Yashil jamoat parki” sifatida ixtisoslashtirish imkoniyatlarini o‘rganish maqsadida mas’ullar joyiga chiqdi.

♻️O‘rganish davomida hududdan samarali foydalanish, yashil maydonlarni kengaytirish, daraxt va manzarali ko‘chatlar ekish, aholi uchun obod va qulay jamoat maskanini tashkil etish masalalariga e’tibor qaratildi.

♻️Mazkur tashabbusdan ko‘zlangan asosiy maqsad — ekologik muhitni yaxshilash, aholi uchun dam olish imkoniyatlarini kengaytirish hamda hududda yashil infratuzilmani rivojlantirishdan iborat.

♻️Deputatlik guruhi ushbu loyihaning ahamiyatini inobatga olgan holda, uni “Yashil jamoat parki” sifatida tashkil etish masalasini o‘rganish va tashabbusning amaliy ijrosini ta’minlashga alohida e’tibor qaratmoqda.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt