9-sonli DMTTda ta’mirlash ishlari holati o‘rganildi

Xalq deputatlari Oqoltin tumani Kengashi raisi Sh.Eshbayev, deputat G.Islamova hamda Kengash kotibiyati mudiri N.Turdiyevlar tomonidan O‘zbekiston Respublikasi Prezidentining PQ-93-sonli qarori asosida Ahillik mahallasi hududida joylashgan 9-sonli davlat maktabgacha ta’lim tashkilotida amalga oshirilayotgan ta’mirlash ishlari holati o‘rganildi.

O‘rganish davomida ta’mirlash ishlari to‘liq yakunlanmaganligi aniqlandi. Jumladan, elektr-montaj va santexnika ishlari oxiriga yetkazilmagan, bolalar maydonchasini obodonlashtirish ishlari yakunlanmagan hamda kanalizatsiya tizimini ta’mirlash ishlari to‘liq bajarilmagan.

Mas’ullar tomonidan aniqlangan kamchiliklarni bartaraf etish, ta’mirlash ishlarini sifatli va belgilangan talablar asosida yakunlash hamda maktabgacha ta’lim tashkilotida bolalar uchun xavfsiz va qulay sharoitlarni yaratish masalalariga e’tibor qaratildi.