#Deputatlik_nazorati #24_ta_tavsiyaviy_savol

❗️ “KATTA OQTEPA” MAHALLASIDA BOLALAR O‘YIN MAYDONCHASI HOLATI DEPUTATLAR TOMONIDAN O‘RGANILDI

🏛 Xalq deputatlari Toshkent shahar Kengashi deputati Aziz Ibragimov hamda Xalq deputatlari Shayxontohur tumani Kengashi deputati Kamoljon Xursanov tomonidan Shayxontohur tumanidagi “Katta Oqtepa” mahalla fuqarolar yig‘ini hududida joylashgan bolalar o‘yin maydonchasining holati yuzasidan joyiga chiqib o‘rganish ishlari olib borildi.

🔎 O‘rganish davomida bolalar maydonchasining umumiy ahvoli, o‘yin jihozlarining texnik holati, hududning obodonlashtirilganlik darajasi hamda bolalarning xavfsiz dam olishi uchun yaratilgan sharoitlar atroflicha ko‘zdan kechirildi.

♻️ Xususan, maydonchadagi o‘yin uskunalaridan foydalanish xavfsizligi, hududning tozaligi va tartibga keltirilganligi, bolalar salomatligi hamda xavfsizligini ta’minlashga doir talablarning bajarilishiga alohida e’tibor qaratildi.

🏘 Deputat Aziz Ibragimov mahallalarda bolalar uchun mo‘ljallangan o‘yin va dam olish maskanlarining holatini yaxshilash, mavjud jihozlarni soz saqlash hamda ularning xavfsiz foydalanilishini ta’minlash aholi uchun qulay yashash muhitini shakllantirishning muhim tarkibiy qismi ekaniga e’tibor qaratdi.

📋 O‘rganish natijasida aniqlangan kamchiliklarni bartaraf etish yuzasidan boshqaruv servis kompaniyasiga tegishli vazifalar yuklatildi. Jumladan, bolalar o‘yin maydonchasiga zarur miqdorda toza qum yotqizish, maydoncha va unga tutash hududni tartibga keltirish hamda bolalarning xavfsiz foydalanishi uchun belgilangan talablarga muvofiq sharoit yaratish topshirildi.

🛡 Mazkur chora-tadbirlar bolalarning o‘yin vaqtida xavfsizligini ta’minlash, maydonchaning sanitariya va obodonlashtirish holatini yaxshilash, shuningdek, ota-onalar uchun ham farzandlarining dam olishiga oid qulay sharoitlarni shakllantirishga qaratilgan.

🤝 Shu bilan birga, boshqaruv servis kompaniyalarining ko‘p qavatli uylar atrofidagi umumiy foydalanish hududlari, bolalar maydonchalari va obodonlashtirish obyektlarini saqlashdagi mas’uliyati muhimligi ta’kidlandi. Bunday hududlarni muntazam nazorat qilish va aniqlangan kamchiliklarni o‘z vaqtida bartaraf etish zarurligi qayd etildi.

📉 Mazkur o‘rganish mahalliy Kengash deputatlari faoliyatining muhim yo‘nalishlaridan bo‘lgan mahallalarda bolalar uchun yaratilgan o‘yin va sport infratuzilmasi holatini o‘rganish, boshqaruv servis kompaniyalari faoliyati samaradorligiga e’tibor qaratish hamda aholi yashash hududlarida xavfsiz va obod muhitni ta’minlash vazifalari bilan bevosita bog‘liq.

💡 Aziz Ibragimov va Kamoljon Xursanov tomonidan boshqaruv servis kompaniyasiga berilgan topshiriqlarning o‘z vaqtida va sifatli bajarilishi deputatlik nazoratiga olindi.

📁 Bolalar o‘yin maydonchasidagi mavjud kamchiliklarni bartaraf etish, uning atrofini obodonlashtirish hamda xavfsizlik talablariga rioya etilishini ta’minlash orqali mahalla aholisiga, ayniqsa, yosh avlodga yanada qulay sharoitlar yaratish ko‘zda tutilmoqda.

📍 Bolalarning xavfsiz, sog‘lom va qulay muhitda dam olishini ta’minlash, mahallalardagi o‘yin maydonchalarini tartibli saqlash hamda mavjud muammolarni joyida hal etish deputatlik faoliyatining ustuvor yo‘nalishlaridan biridir.

📱 Telegram 📱 Instagram 📱 Facebook 📱 YouTube 🔎 E-kengash