🔰#munosabat

ISSIQXONA XO‘JALIKLARIGA BERILAYOTGAN IMTIYOZLAR — TADBIRKORLIK VA OZIQ-OVQAT XAVFSIZLIGI UCHUN MUHIM QADAM

➡️Issiqxona xo‘jaliklari uchun soliq imtiyozlari va subsidiyalar joriy etilishi qishloq xo‘jaligini rivojlantirish, tadbirkorlarni qo‘llab-quvvatlash hamda aholi bandligini ta’minlashda muhim ahamiyatga ega.
➡️Ayniqsa, QQS va foyda solig‘i bo‘yicha imtiyozlar, ijtimoiy soliq stavkasining 1 foizga tushirilishi, yer va mol-mulk soliqlarining 50 foizga kamaytirilishi issiqxona xo‘jaliklarining moliyaviy imkoniyatlarini kengaytirishga xizmat qiladi. “Yashil” issiqxonalar elektr energiyasi xarajatlarining bir qismini qoplab berish mexanizmi esa energiya tejamkor texnologiyalarni joriy etishga rag‘bat yaratadi.
➡️Deputat sifatida ta’kidlashni istardimki, ushbu imkoniyatlardan samarali foydalanish, avvalo, joylarda tushuntirish ishlarini kuchaytirish, imtiyozlarning belgilangan tartibda qo‘llanilishini ta’minlash va issiqxona xo‘jaliklari faoliyatini rivojlantirishga ko‘maklashishni talab etadi.
➡️Ayniqsa, tomorqa yerlarida issiqxona tashkil etayotgan fuqarolarni qo‘llab-quvvatlash orqali oilaviy daromadlarni oshirish, yangi ish o‘rinlari yaratish va ichki bozorni sifatli qishloq xo‘jaligi mahsulotlari bilan ta’minlash mumkin.
➡️Bizning vazifamiz — yaratilayotgan imkoniyatlarning amaliy natijasini ta’minlash, tadbirkorlar va tomorqa egalari manfaatlarini himoya qilish hamda issiqxonao‘jaliklarining barqaror rivojlanishiga deputatlik nazoratini kuchaytirishdan iborat.

Umid Ro‘ziyev,
Xalq deputatlari Jondor tumani Kengashi deputati,

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt