Xalq deputatlari Qo‘qon shahar Kengashi deputati M.Axmedova tomonidan o‘z saylov okrugi hududiga qarashli “G‘alchasoy” mahalla fuqarolar yig‘inida Ijtimoiy reyestrga kiritilgan aholi xonadonlarida o‘rganish ishlari olib borildi.

O‘rganishlar davomida Kamalak ko‘chasi 17-uyda istiqomat qiluvchi fuqaro D.Muydinova xonadoniga tashrif buyurilib, oilaning ijtimoiy sharoiti va mavjud ehtiyojlari o‘rganildi.

Ma’lum bo‘lishicha, fuqaro oilasi bolalar nafaqasi oladi. Shuningdek, oila “Saxovat va ko‘mak” jamg‘armasi tomonidan vaucher asosida oziq-ovqat hamda kiyim-kechak mahsulotlari bilan ta’minlangan.

Oilaning daromadini oshirish va bandligini ta’minlash maqsadida Qo‘qon shahar hokimi M.Usmonov tomonidan xonadonga 2 dona tikuv mashinasi berilgan. Mazkur ko‘mak orqali oilaning tikuvchilik faoliyati bilan shug‘ullanishi va qo‘shimcha daromad manbaiga ega bo‘lishi uchun imkoniyat yaratilgan.

Xalq deputatlari Qo‘qon shahar Kengashi