Xalq deputatlari tuman Kengashi deputati D. Xasanova hamda Kengash kotibiyati bosh mutaxassisi D. Abdrimova tomonidan “Madad” NNT Huquqiy yordam byurosi mutaxassisi O. Ataxanov bilan uchrashuv o‘tkazildi.
🤝 Uchrashuv davomida fuqarolarning huquqiy savodxonligini oshirish, ularning murojaatlari va muammolariga qonuniy yechim topishda ko‘maklashish, shuningdek, aholiga huquqiy maslahat va amaliy yordam ko‘rsatish masalalari muhokama qilindi.
📌 Shuningdek, aholi murojaatlarini o‘rganish jarayonida aniqlangan masalalarni huquqiy jihatdan tahlil qilish va tegishli tartibda hal etish bo‘yicha hamkorlikni kuchaytirish yuzasidan fikr almashildi.
🎯 Maqsad — fuqarolarning huquq va qonuniy manfaatlarini himoya qilish, murojaatlarning samarali yechimini ta’minlash hamda aholiga huquqiy ko‘mak ko‘rsatish samaradorligini oshirish.