ЁШЛАР ШТАБИДА ОЛИБ БОРИЛАЁТГАН ИШЛАР ЎРГАНИЛДИ
Халқ депутатлари Янгиқўрғон тумани Кенгаши котибияти мутахассиси Шоҳрух Алимирзаев ёшлар маслаҳат гуруҳи аъзолари билан биргаликда туман ёшлар штабида бўлиб, олиб борилаётган ишлар билан танишди.
Ўрганиш давомида штаб фаолияти ҳамда ёшлар билан ишлаш жараёнлари юзасидан мулоқот ўтказилди. Ёшлар маслаҳат гуруҳи аъзолари иштирокида амалга оширилаётган ишлар ҳақида фикр алмашилди.
Ёшлар штаби фаолиятини ўрганиш ёшларнинг талаб ва эҳтиёжларини яқиндан англаш, уларнинг таклифларини тинглаш ҳамда ташаббусларини қўллаб-қувватлашда муҳим аҳамиятга эга.
Кенгаш котибияти ва ёшлар маслаҳат гуруҳининг ҳамкорлиги ёшларни маҳаллий масалалар муҳокамасига жалб этиш, уларнинг жамоат ишларидаги фаоллигини ошириш ҳамда Кенгаш билан мулоқотини мустаҳкамлашга хизмат қилади.