Xalq deputatlari Arnasoy tumani Kengashi kotibiyati mudiri O. Usmonov hamda ekspert guruhi a’zolari hamkorligida Bo‘ston MFYda joylashgan 4-sonli davlat maktabgacha ta’lim tashkilotida “Tashabbusli budjet” loyihasi doirasida amalga oshirilayotgan ishlarning borishi joyiga chiqqan holda o‘rganildi.

O‘rganish jarayonida loyiha doirasida belgilangan ishlarning amaldagi holati, bajarilish jarayoni hamda ularning belgilangan talab va mezonlarga muvofiqligi ko‘zdan kechirildi.
Shuningdek, amalga oshirilayotgan ishlarning sifati, belgilangan vazifalarning ijrosi va loyiha doirasida ko‘zda tutilgan ishlarning o‘z vaqtida bajarilishini ta’minlash masalalariga alohida e’tibor qaratildi.

O‘rganish yakunlari bo‘yicha aniqlangan masalalar yuzasidan tegishli mutasaddilar bilan fikr almashilib, ishlarni belgilangan talablar asosida sifatli amalga oshirish hamda mavjud kamchiliklarni bartaraf etish yuzasidan tegishli vazifalar belgilab olindi.