#Tashkilot_bilan_hamkorlik
#Sessiya_oldi_o'rganish
#Haftalik_ish_reja_ijrosi
❄️ Maktablarning kuz-qish mavsumiga tayyorgarligi nazoratda

Xalq deputatlari Sherobod tumani Kengashining 8-Mehnatobod saylov okrugi deputati S. Irisov hamda Kengash kotibiyati bosh mutaxassisi S. Safarov “Mehnatobod” mahallasidagi 19-son umumta’lim maktabida kuz-qish mavsumiga tayyorgarlik jarayonlarini ko‘zdan kechirdilar.

🔎 Asosiy e’tibor ta’lim muassasasining 2026–2027-yillar kuz-qish mavsumiga qay darajada tayyor ekaniga qaratildi. Jumladan:

🔹 isitish tizimlarining texnik holati;
🔹 mavjud jihozlarning sozligi;
🔹 yoqilg‘i zaxirasining yetarliligi;
🔹 bino va inshootlarning mavsumga tayyorgarlik darajasi ko‘rib chiqildi.

🌡 Sovuq kunlarda o‘quvchilar va pedagoglar uchun munosib sharoit yaratish, isitish tizimlarining uzluksiz ishlashini ta’minlash hamda mavsum davomida yuzaga kelishi mumkin bo‘lgan muammolarning oldini olish masalalari ham muhokama qilindi.

📋 O‘rganish yakunida aniqlangan holatlar yuzasidan mas’ullarga tegishli tavsiya va ko‘rsatmalar berildi. Mavjud kamchiliklarni bartaraf etish hamda tayyorgarlik ishlarini belgilangan muddatlarda yakunlash bo‘yicha aniq vazifalar belgilandi.

🏫 Maqsad — qish mavsumida ta’lim jarayonining uzluksizligi va o‘quvchilar uchun qulay sharoitni ta’minlash.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube