HAR BIR XONADON E’TIBORDA: IJTIMOIY KO‘MAK MANZILLI TASHKIL ETILMOQDA

Namangan shahrida ijtimoiy himoyaga muhtoj oilalarni qo‘llab-quvvatlash, ularning mavjud muammolarini xonadonbay o‘rganish hamda zarur ko‘makni manzilli tashkil etish borasidagi ishlar izchil davom ettirilmoqda.

Xalq deputatlari Namangan shahar Kengashi deputati, Namangan shahar hokimi Ayubxon Kamolov tomonidan “Guzar” mahallasida istiqomat qiluvchi “Davlat ta’minotidagi oilalar” xonadonlarida bo‘lib, oilalarning ijtimoiy va moddiy holati, mavjud ehtiyojlari hamda ularga ko‘rsatilayotgan ijtimoiy xizmatlar bilan yaqindan tanishildi.

Xonadonlarga tashrif davomida fuqarolar bilan bevosita suhbat o‘tkazilib, ularning kundalik hayotida uchrayotgan muammolari, mavjud ehtiyojlari va murojaatlari tinglandi.

Har bir oilaning holatidan kelib chiqib, zarur ijtimoiy xizmat va ko‘maklarni manzilli tashkil etish, mavjud muammolarni tegishli tashkilotlar bilan hamkorlikda hal etish masalalariga alohida e’tibor qaratildi.

Shuningdek, aniqlangan masalalar yuzasidan mas’ullarga tegishli topshiriq va tavsiyalar berilib, ularning ijrosini ta’minlash bo‘yicha nazorat choralari belgilandi.

Bunday xonadonbay o‘rganishlar orqali aholining ehtiyojlarini bevosita joyida aniqlash, murojaatlarni o‘z vaqtida ko‘rib chiqish va ijtimoiy ko‘makning manzilliligini ta’minlashga e’tibor qaratilmoqda. 2026-yildan Ijtimoiy reyestr tizimida oilalarni ijtimoiy-iqtisodiy holatidan kelib chiqib qo‘llab-quvvatlash mexanizmlari yanada takomillashtirilgan.

O‘rganish jarayonida Kengashning doimiy komissiyalari kesimidagi qonunlar taqsimotidan “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘zbekiston Respublikasi Qonuni, O‘RQ-415-son, 2016-yil 26-dekabr hamda sohaga oid boshqa qonunchilik hujjatlari talablari o‘rganildi.