Xalq deputatlari Ishtixon tumani Kengashining 14-Bahrin saylov okrugidan saylangan deputati U.Nurmuxamedov tomonidan saylov okrugi hududidagi Bahrin mahallasida aholini qiynab kelayotgan muammolar o‘rganildi.

O‘rganish davomida Bahrin mahallasini Shayxislom mahallasi bilan bog‘lovchi asosiy ko‘chaning mavjud holati hamda ushbu yo‘ldan foydalanish bilan bog‘liq masalalarga e’tibor qaratildi. Mazkur ko‘cha mahalla aholisi uchun muhim qatnov yo‘nalishi bo‘lib, uning holati fuqarolarning kundalik harakatlanishi uchun muhim ahamiyat kasb etadi.

Shuningdek, ko‘chaning ta’mirtalab holatda ekani, yo‘lning foydalanish darajasi va aholi uchun qulay hamda xavfsiz qatnovni ta’minlash masalalari ko‘rib chiqildi. Aholi tomonidan bildirilgan fikr va takliflar tinglanib, mavjud muammoni bartaraf etish bo‘yicha tegishli choralarni ko‘rish zarurligi ta’kidlandi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)