Xalq deputatlari Ishtixon tumani Kengashining 20-Mitan saylov okrugidan saylangan deputati N.Kiyamov tomonidan saylov okrugi hududidagi Qo‘chqor Qarshiyev mahallasida faoliyat yuritayotgan ijtimoiy xodimning nogironligi bo‘lgan shaxslarni qo‘llab-quvvatlash borasidagi faoliyati o‘rganildi.

O‘rganish davomida O‘zbekiston Respublikasining 2020-yil 15-oktabrdagi “Nogironligi bo‘lgan shaxslarning huquqlari to‘g‘risida”gi O‘RQ-641-sonli Qonuni talablari asosida nogironligi bo‘lgan shaxslarning ijtimoiy himoyasi, ularga zarur ijtimoiy xizmat va yordamlarni ko‘rsatish, reabilitatsiya hamda mustaqil yashash imkoniyatlarini qo‘llab-quvvatlash bilan bog‘liq ishlar ko‘rib chiqildi.

Shuningdek, ehtiyojmand fuqarolarga ijtimoiy xizmatlar bo‘yicha maslahat berish, tegishli organ va tashkilotlarga yo‘naltirish, protez-ortopediya va reabilitatsiya vositalarini olishda ko‘maklashish, dori-darmon, oziq-ovqat va gigiyena vositalariga ehtiyojini o‘rganish hamda o‘zgalarning parvarishiga muhtoj shaxslarga zarur ko‘makni tashkil etish bilan bog‘liq masalalarga e’tibor qaratildi.

Bundan tashqari, nogironligi bo‘lgan shaxslarning ijtimoiy, tibbiy, kasbiy va jismoniy reabilitatsiya xizmatlaridan foydalanishi, shuningdek reabilitatsiyaning yakka tartibdagi dasturida belgilangan chora-tadbirlarning bajarilishi bilan bog‘liq ishlar o‘rganildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)