Xalq deputatlari Qo‘qon shahar Kengashi deputati M.Azimov tomonidan yuborilgan deputatlik so‘roviga “Hududgaz Farg‘ona” gaz ta’minoti filiali Qo‘qon shahar gaz bo‘limidan rasmiy javob kelib tushdi.

Deputatlik so‘rovida Qo‘qon shahrining Urganjibog‘ MFY hududidagi Chortoq ko‘chasida tabiiy gaz ta’minotining pastligi hamda gaz ta’minotidagi uzilishlar bilan bog‘liq masala ko‘tarilgan.

Murojaat yuzasidan tegishli mutaxassislar tomonidan hududdagi tabiiy gaz ta’minoti bosimi va gaz tarmoqlarining qoniqarsizligi holati o‘rganilgan.

️Shuningdek, 2026-yil 22-avgust kuni Urganjibog‘ MFY hududida aholi bilan uchrashuv va yig‘ilish o‘tkazilib, unda tabiiy gaz ta’minotidagi bilon bog‘liq holatlar, gaz bosimining pasayish sabablari hamda gaz tarmoqlarida amalga oshirilayotgan texnik ishlar yuzasidan aholiga tegishli tushuntirishlar berilgan.

O‘rganishlar davomida Urganjibog‘ MFY hududida ma’nan va jismonan eskirgan, samaradorligi past bo‘lgan o‘rta bosimli gaz taqsimlash qurilmalarini bosqichma-bosqich ta’mirlash hamda hududdagi gaz tarmoqlarini optimallashtirish ishlari tasdiqlangan reja asosida boshlab yuborilgani ma’lum qilindi.

️Mazkur texnik-ta’mirlash va optimallashtirish ishlari jarayonida gaz tarmoqlaridagi bosim ko‘rsatkichlari vaqti-vaqti bilan pasayishi mumkinligi, shu munosabat bilan aholi tabiiy gaz ta’minotidagi vaqtinchalik noqulayliklarga to‘g‘ri tushunish bilan yondashishi so‘ralgan.

Rasmiy javobda Urganjibog‘ MFY hududidagi gaz tarmoqlarini optimallashtirish va texnik jihatdan yaxshilash ishlari belgilangan reja asosida davom ettirilayotgani qayd etilgan.

Xalq deputatlari Qo‘qon shahar Kengashi