Maktabgacha ta’lim tashkilotidagi yozgi o‘yingohlar holati o‘rganildi

Xalq deputatlari Navoiy shahar Kengashi deputati Qurbonov Farxod Absalomovich, O‘zbekiston Xalq demokratik partiyasi Navoiy shahar Kengashi rahbari Hamroyev Jo‘rabek Jamoliddinovich hamda Kotibiyat bosh mutaxassisi Muborak Astanova Navoiy shahridagi 32-sonli maktabgacha ta’lim tashkilotida bo‘lib, yozgi mavsumda bolalar uchun mo‘ljallangan o‘yingohlarning holatini o‘rgandilar.

O‘rganish davomida maktabgacha ta’lim tashkiloti hududidagi bolalar maydonchalarining sanitariya va obodonlashtirish holati, o‘yin jihozlarining sozligi hamda bolalar uchun xavfsiz va qulay sharoitlar yaratilgani ko‘zdan kechirildi.

Mas’ullar bilan suhbat davomida yozgi mavsumda tarbiyalanuvchilar uchun qulay sharoitlarni ta’minlash, o‘yingohlardan xavfsiz va samarali foydalanish hamda mavjud kamchiliklarni bartaraf etish yuzasidan tegishli tavsiyalar bildirildi.

Bolalarning bo‘sh vaqtini mazmunli o‘tkazishi, ularning salomatligi va xavfsizligini ta’minlash hamda ta’lim-tarbiya jarayoni uchun munosib sharoitlar yaratish masalalari doimiy e’tiborda bo‘lishi ta’kidlandi.