✅Xalq deputatlari Toyloq tumani Kengashi deputati, Kengash kotibiyati mudiri N. Mo‘minova, Kengash kotibiyati mutaxassisi G. Rajabova hamda tuman hokimining xotin-qizlar masalalari bo‘yicha o‘rinbosari N. Qambaridinova Varsin mahallasida bo‘lib, tadbirkorlik faoliyati bilan shug‘ullanayotgan xotin-qizlar faoliyati bilan tanishdilar.

✅Uchrashuv davomida tadbirkor Madina Sadullayevaning go‘zallik salonida yaratilgan sharoitlar va ko‘rsatilayotgan xizmatlar o‘rganildi. Tadbirkor hokim yordamchisining tavsiyasi asosida tuman Agrobank filiali orqali “Biznesga birinchi qadam” dasturi doirasida 17 million so‘m miqdorida imtiyozli kredit olib, o‘z faoliyatini yo‘lga qo‘ygan.

✅Bugungi kunda Madina Sadullayeva o‘z salohiyatini namoyon etib, 3 nafar shogirdi bilan birgalikda aholiga sifatli xizmat ko‘rsatib, o‘zini o‘zi band qilish bilan bir qatorda boshqa xotin-qizlarning ham kasb egallashiga ko‘maklashmoqda.

✅Muloqot davomida tadbirkorning kelgusidagi rejalari tinglanib, faoliyatini yanada kengaytirish va yangi imkoniyatlardan samarali foydalanish bo‘yicha fikr almashildi.