Qonun targ‘iboti o‘tkazildi.

Xalq deputatlari Angor tumani Kengashi 18-Yangi turmush saylov okrugi deputati Yuldosheva Sevara tomonidan fuqarolar o‘rtasida yo‘l harakati xavfsizligini ta’minlash, yo‘l harakati ishtirokchilarining huquq va majburiyatlarini tushuntirishga qaratilgan targ‘ibot tadbiri o‘tkazildi.

Tadbir davomida O‘zbekiston Respublikasining “Yo‘l harakati to‘g‘risida”gi Qonuni, 2024-yil 19-yanvardagi O‘RQ-900-son Qonunining mazmun-mohiyati va ahamiyati haqida batafsil ma’lumot berildi.

Xususan, yo‘l harakati ishtirokchilarining belgilangan qoidalarga qat’iy rioya qilishi, piyodalar va haydovchilarning o‘zaro hurmati, yo‘l harakati xavfsizligini ta’minlash hamda yo‘l-transport hodisalarining oldini olish masalalariga alohida e’tibor qaratildi.

Shuningdek, fuqarolarga yo‘l harakati qoidalariga amal qilish nafaqat qonuniy talab, balki inson hayoti va salomatligini asrashning muhim sharti ekanligi tushuntirildi.

Targ‘ibot tadbiri yakunida ishtirokchilarni yo‘l harakati qoidalariga mas’uliyat bilan yondashish, belgilangan tartiblarga rioya qilish va jamoat xavfsizligini ta’minlashga munosib hissa qo‘shishga chaqirildi.