Kengashi raisi fuqarolarni qabul qildi

Aholi bilan muloqot samaradorligining bosh omili — har bir fuqaroning shaxsiy murojaatini tinglash va unga manzilli, adolatli yechim topishdir.

Saylovchilar bilan o‘tkazilgan samimiy uchrashuv yakunlangandan so‘ng xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova fuqarolar uchun navbatdagi qabul o‘tkazdi.

Qabul davomida okrug fuqarolari o‘zlarini tashvishlantirayotgan turli hayotiy va ijtimoiy masalalar bo‘yicha deputatga murojaat qildilar.

Murojaatlarning asosiy yo‘nalishlari:

🏢Uy-joy va qurilish: Ko‘p qavatli va shaxsiy uy-joylarni ta’mirlash hamda qurilish sohasiga oid masalalar;

⚡️Kommunal soha: Mahallada elektr energiyasi ta’minoti sifatini oshirish va infratuzilmani yaxshilash;

🤝Ijtimoiy ko‘mak: Kam ta’minlangan va ehtiyojmand oilalarga moddiy va ijtimoiy yordam ko‘rsatish;

💼Aholi bandligi: Ishsiz fuqarolar va yoshlarni ishga joylashtirish hamda ularning bandligini ta’minlash.

Qabul jarayonida huquqiy va maslahat xarakteridagi murojaatlarning bir qismiga joyida aniq va tushunarli huquqiy tushuntirishlar berilib, muayyan vaqt va mutasaddi tashkilotlar aralashuvini talab etadigan murakkab masalalar deputatning murojaat daftariga rasmiylashtirilib, shahar hokimligi va mas’ul idoralar rahbarlariga rasmiy deputatlik so‘rovlari yuborilishi belgilandi.