Xususan, Kengash kotibiyati bosh mutaxassisi R.Mamashukurov Kengashning 24-“Abdurahmon Jomiy” saylov okrugi deputati A.Tog‘amuradov okrugiga qarashli “Abdurahmon Jomiy” mahallasida bo‘lib, hokim yordamchisining PF-116-sonli Farmonda belgilangan asosiy vazifalari ijrosini o‘rgandi.

📈 O‘rganish natijalariga ko‘ra:

🔹 200 ta xonadon xonadonbay o‘rganilib, ijtimoiy-iqtisodiy holat va mavjud imkoniyatlar tahlil qilingan;

🔹 25 nafar fuqaroning bandligi bo‘yicha ishlar amalga oshirilib, shundan 12 nafar fuqaroning bandligi ta’minlangan;

🔹 15 nafar fuqaro kasb-hunar va tadbirkorlik yo‘nalishlariga jalb etilib, 12 nafari doimiy daromad manbaiga ega bo‘lgan;

🔹 Aholi va tadbirkorlik subyektlarini qo‘llab-quvvatlash maqsadida 25 ta loyiha uchun 450 mln so‘m miqdorida kredit va boshqa moliyaviy ko‘mak yo‘naltirilgan;

🔹 Tadbirkorlik va mikroloyihalarni rivojlantirishga 1 mlrd 425 mln so‘m mablag‘ yo‘naltirilib, 15 ta loyiha ishga tushirilgan hamda 30 ta ish o‘rni yaratish ko‘zda tutilgan;

🔹 Tashqi mehnat migratsiyasidan qaytgan 25 nafar fuqaroning bandligi ta’minlangan;

🔹 30 ta xonadonda tomorqadan samarali foydalanish va “Bir mahalla — bir mahsulot” tamoyili asosida ishlar tashkil etilib, 5 tonna mahsulot yetishtirilgan;

🔹 “Bir kontur — bir mahsulot” tamoyili asosida 0,5 gektar yer maydoni samarali foydalanishga jalb etilgan;

🔹 Mahalladagi 3 ta bo‘sh bino-inshoot va yer maydoni iqtisodiy faoliyatga jalb qilingan;

🔹 30 ta oila kambag‘allikdan chiqarish bo‘yicha manzilli ishlarga qamrab olingan.

💰 Moliyaviy ko‘rsatkichlar bo‘yicha, jadvalda qayd etilgan yo‘nalishlar kesimida jami 2 mlrd 103 mln so‘m mablag‘ yo‘naltirilgani ko‘rsatilgan.

📌 Shuningdek, tahlil davomida 14 ta yo‘nalishning 10 tasida amaliy ishlar amalga oshirilgani, 4 ta yo‘nalish — faoliyati to‘xtagan korxonalarni tiklash, qurilishi tugallanmagan loyihalarni ishga tushirish, mahsulot va xizmatlarni yangi bozorlar orqali realizatsiya qilish hamda yashil energiyaga o‘tish bo‘yicha esa ko‘rsatkichlar mavjud emasligi aniqlandi.

📊 Muhim jihat — taqdim etilgan ko‘rsatkichlarning barchasida reja va amaldagi natijalar teng qayd etilgan. Shu sababli mazkur yo‘nalishlarda belgilangan rejalar bajarilishi 100 foiz sifatida ko‘rsatilgan.

🔎 Shu bilan birga, nazorat-tahlil jarayonida faqat ko‘rsatkichlarning bajarilgani emas, balki ajratilgan mablag‘larning samaradorligi, yaratilgan ish o‘rinlarining amaldagi holati, fuqarolarning doimiy daromadga ega bo‘lishi, loyihalarning barqaror ishlashi va erishilgan natijalarning tasdiqlovchi hujjatlariga ham alohida e’tibor qaratilmoqda.

📌 O‘rganish yakunlari bo‘yicha mavjud ko‘rsatkichlar va aniqlangan holatlar umumlashtirilib, navbatdagi sessiyada muhokama qilish uchun tegishli xulosa, taklif va tavsiyalar shakllantiriladi.

Xalq deputatlari Termiz shahar Kengashi — mahallalarda Farmon ijrosi, mablag‘lardan samarali foydalanish va erishilayotgan natijalar ustidan deputatlik nazoratini izchil davom ettirmoqda.