КЎП ҚАВАТЛИ УЙЛАР ЕРТЎЛАЛАРИНИНГ ҲОЛАТИ ЎРГАНИЛДИ

Халқ депутатлари Янгиқўрғон тумани Кенгаши котибиятининг иш режасига асосан, бугун 16-Бешбулоқ сайлов округида жойлашган Кўрик маҳалласида ўрганиш ишлари олиб борилди.
Кенгаш котибияти мутахассиси Комилжон Эгамбердиев томонидан ёғингарчилик мавсумида кўп қаватли уйларнинг ертўлаларига сув тўпланиб қолиши билан боғлиқ аҳоли мурожаатлари жойига чиққан ҳолда кўриб чиқилди.
Ўрганиш давомида ертўлаларнинг мавжуд ҳолати, сув чиқариш тизими, оқова йўллари ҳамда биноларнинг санитария-техник ҳолати кўздан кечирилди. Шунингдек, аҳоли вакиллари билан мулоқот қилиниб, уларни қийнаётган муаммолар ва таклифлар тингланди.
Аниқланган камчиликларни бартараф этиш, ертўлаларга сув тўпланишининг олдини олиш ҳамда муаммоларни тегишли масъул ташкилотлар билан ҳамкорликда ҳал этиш бўйича зарур чоралар белгиланди.