Ózbekstan Liberal-Demokratiyalıq partiyası (ÓzLiDeP) deputatlıq toparınıń usı jıldıń avgust ayına belgilengen jıynalısı bolıp ótti. Jıynalıs kún tártibindegi tiykarǵı máselelerden biri – rayon xalqın azıq-awqat ónimleri menen úzliksiz támiyinlew, bazarlardaǵı bahalardıń turaqlılıǵın támiyinlew hám bul baǵıtta 2026-jıldıń 6 ayı dawamında ámelge asırılǵan jumıslardıń nátiyjeliligin úyreniw máseleleri boldı.
Jıynalısqa ÓzLiDeP deputatlıq toparı aǵzaları, tiyisli taraw wákilleri hám juwapker basshılar qatnastı. Kún tártibindegi másele boyınsha Bozataw rayonı hákiminiń awıl hám suw xojalıǵı máseleleri boyınsha orınbasarınıń rayon xalqın azıq-awqat ónimleri menen támiyinlew hám azıq-awqat ónimlerine bolǵan bahalardı turaqlastırıw boyınsha 2026-jıldıń birinshi altı ayında atqarılǵan jumısları haqqındaǵı esabatı tıńlandı.
Esabat dawamında rayon xalqınıń azıq-awqat ónimlerine bolǵan talabın úzliksiz qanaatlandırıw, ishki bazarda azıq-awqat ónimleriniń jetkilikli kólemde bolıwın támiyinlew, ónim jetkerip beriw tizimin jetilistiriw hám bahalardıń negizsiz ósip ketiwin aldın alıw boyınsha atqarılǵan jumıslar haqqında keń túrde maǵlıwmat berildi.
Sonday-aq, rayon aymaǵında azıq-awqat ónimlerin jetistiriw hám óndiriw kólemin arttırıw, jergilikli isbilermenler hám diyqan-xojalıqları menen birgelikte jumıs alıp barıw, bazardı ishki óndiris esabınan azıq-awqat ónimleri menen toltırıw máselelerine ayrıqsha itibar qaratılǵanı atap ótildi.
Azıq-awqat qáwipsizligin támiyinlewde awıl xojalıǵı ónimlerin jetistiriw, ónim óndiriwshilerdi qollap-quwatlaw, ónimlerdi saqlaw hám tutınıwshılarǵa jetkerip beriw boyınsha jumıslardıń áhmiyeti ayrıqsha atap kórsetildi. Bul baǵıtta rayon aymaǵındaǵı diyqan hám fermer xojalıqları, kásipkerler hám basqa da ónim óndiriwshiler menen birgelikte alıp barılǵan jumıslarǵa toqtalıp ótildi.
Esabat boyınsha bazarlardaǵı bahalardıń turaqlılıǵın saqlaw máselesi de keńnen talqılandı. Ásirese, xalıq kóp tutınatuǵın un, nan, ósimlik mayı, gúrish, makaron ónimleri, kartoshka, piyaz, sabiz hám basqa da azıq-awqat ónimleriniń bahaların turaqlı uslaw, olardıń jetkilikli kólemde sawdada bolıwın támiyinlew boyınsha ámelge asırılǵan ilajlarǵa itibar berildi.
Deputatlar tárepinen esabat tıńlanıwı barısında rayon xalqınıń kúndelikli turmısında áhmiyetli bolǵan azıq-awqat ónimleriniń bahaların turaqlastırıw máseleleri boyınsha birqatar sorawlar berildi. Sonıń menen birge, bahalardıń ósip ketiwine sebep bolıwshı faktorlar, ónim jetispewshiligin boldırmaw, sawda orınlarında ónimlerdiń túrleri hám sapası boyınsha jetkilikli bolıwın támiyinlew máselesine baylanıslı usınıslar bildirildi.
Jıynalıs dawamında rayon aymaǵında azıq-awqat ónimleri menen támiyinlewdi jáne de jaqsılaw ushın ishki bazardı jergilikli ónimler menen toltırıw, ónim óndiriw kólemin arttırıw, ónim jetkerip beriwdegi úzilislerdiń aldın alıw, bazar hám sawda orınlarındaǵı bahalardı úzliksiz baqlap barıw zárúr ekenligi atap ótildi.
ÓzLiDeP deputatlıq toparı aǵzaları xalıqtıń turmıs dárejesin jaqsılaw, azıq-awqat qáwipsizligin támiyinlew hám xalıq ushın qolaylı ekonomikalıq sharayattı jaratıw máseleleri deputatlıq toparınıń turaqlı nazaratında bolıwı kerek ekenligin bildirdi.
Sonday-aq, rayon aymaǵında azıq-awqat ónimlerine bolǵan talabtı aldınnan úyreniw, máwsimlik dáwirlerde ónimlerdiń jetkilikli zapasların jaratıw, ónim óndiriwshiler menen sawda tarmaqları arasında tuwrı baylanıstı jolǵa qoyıw hám xalıqqa сапalı ónimlerdi qolaylı bahalarda usınıwdı támiyinlew boyınsha jumıslardı kúshеytiw boyınsha usınıs-pikirler bildirildi.
Deputatlar tárepinen rayon xalqın azıq-awqat ónimleri menen úzliksiz támiyinlew tek ǵana sawda tarmaqlarınıń emes, al awıl xojalıǵı, kásipkerlik, fermer hám diyqan xojalıqları, sawda hám basqa da tiyisli tarawlar menen birgelikte ámelge asırılıwı kerek ekenligi atap kórsetildi.
Jıynalıs juwmaǵında esapattıń nátiyjeleri boyınsha aniqlanǵan kemshiliklerdi joyıw, rayon xalqın tiykarǵı azıq-awqat ónimleri menen turaqlı támiyinlew, bahalardıń negizsiz ósip ketiwine jol qoymaw, bazarlardaǵı jaǵdaydı úzliksiz úyrenip barıw hám xalıqtıń múrájáátlerinde kóterilgen máselelerdi óz waqtında sheshiw boyınsha tiyisli usınıslar berildi.
ÓzLiDeP deputatlıq toparı bul baǵıttaǵı jumıslardı jáne de kúshеytiw, rayon xalqınıń turmıs sapasın arttırıwǵa baǵdarlanǵan ilajlardıń nátiyjeliligin támiyinlew hám atqarılıp atırǵan jumıslardı deputatlıq nazaratında uslaw zárúr ekenligin belgiledi.
Jıynalıs sońında kún tártibindegi máseleler boyınsha pikirler almasıp, rayon xalqın azıq-awqat ónimleri menen támiyinlew hám bahalardı turaqlastırıw baǵıtında aldınǵı dáwirde atqarılıwı tiyis bolǵan wazıypalar belgilendi.