📌 MAHALLA FAOLIYATI JOYIDA O‘RGANILDI

Xalq deputatlari Sherobod tumani Kengashining 16-“Katta hayot–Do‘stlik” saylov okrugidan saylangan deputati Mirzayev Turg‘un Yo‘ldoshyevich hamda Kengash kotibiyati bosh mutaxassisi Xo‘janazarov Shuhrat Beknazarovich tomonidan “Katta hayot” mahallasi raisi Rahimov Otaxon Bo‘riyevichning faoliyati joyiga chiqqan holda o‘rganildi.

📍 O‘rganish jarayonida mahalla raisi xonasida fuqarolar bilan olib borilayotgan muloqotlar, ularning murojaatlari va mahalladagi dolzarb masalalarni ko‘rib chiqish jarayoniga e’tibor qaratildi.
Fuqarolar bilan suhbat davomida ularning fikr-mulohazalari va takliflari tinglanib, mavjud masalalarni o‘rganish hamda tegishli tartibda hal etish yuzasidan fikr almashildi.

Shuningdek, deputat T. Mirzayev yurtimiz mustaqilligining 35 yilligini “Yagona Vatan, yagona xalq bo‘lib, yangi hayot va kelajak yaratamiz” g‘oyasi ostida munosib kutib olish yo‘lida amalga oshirilayotgan bunyodkorlik va obodonlashtirish ishlarida har bir fuqaroning faol ishtiroki va tashabbuskorligi muhim ahamiyat kasb etishini alohida ta’kidladi.

🤝 Aholi bilan ochiq muloqot, muammolarni tinglash va ularni joyida o‘rganish — xalq vakilining muhim vazifalaridan biridir.

Xalq deputatlari Sherobod tumani Kengashi kotibiyati matbuot xizmati.