Deputatlik so‘roviga javob berildi

🚨 Xalq deputatlari Boysun tumani Kengashi deputati S.Majidovaning 2026-yil 15-avgustdagi 109-ds-398-26-sonli deputatlik so‘rovi yuborilganligi to‘g‘risida xabar bergan edik.

🚨 Ushbu deputatlik so‘roviga Boysun tumani hokimligi tomonidan javob berildi.

🚨 Deputatlik so‘rovida O‘zbekiston Respublikasi Oliy Majlisi Senati Kengashining 2025 yil 14 apreldagi KQ-35-V-sonli qarori ijrosini o‘rganish davomida aniqlangan muammolar, xususan, “Mustaqillik” mahallasining “Ko‘klam nafasi” ko‘chasidan o‘tuvchi ichimlik suv tarmog‘i mavjudligi va quvurlar uzoq muddat foydalanilgani sababli yaroqsiz holga kelib qolganligi, natijada aholini ichimlik suvi bilan ta’minlashda muammolar yuzaga kelayotgani ko‘tarilgan.

🚨 Mazkur masala tuman hokimligi va “Surxondaryo suv ta’minoti” AJ Boysun tuman filiali tomonidan o‘rganilgan.

🚨 O‘rganish jarayonida “Mustaqillik” mahallasi “Ko‘klam nafasi” ko‘chasidagi mavjud ichimlik suv tarmog‘i “Surxondaryo suv ta’minoti” AJ Boysun tuman filiali tomonidan montaj ishlari olib borilayotganligi aniqlangan.

🚨 Javob xatida ushbu montaj ishlari yakuniga yetkazilishi bilan aholi ichimlik suvi bilan ta’minlanishi ma’lum qilingan.

🚨 Shu tariqa, deputatlik so‘rovida ko‘tarilgan aholi uchun muhim bo‘lgan ichimlik suvi ta’minoti masalasi mas’ul tashkilotlar tomonidan o‘rganilib, muammoni bartaraf etish bo‘yicha amaliy ishlar olib borilmoqda.