Xalq deputatlari Angor tumani Kengashi 16-Zang saylov okrugi deputati Qulliyev Ergash tomonidan Bahor mahallasidagi “Mahalla yettiligi” faoliyati o‘rganilib, amalga oshirilayotgan ishlar tahlil qilindi.Mazkur o'gnaish jarayonida xalq deputatlari Angor tumani Kengashi kotibiyati mudiri M.Yarmatov hamrohlik qildi.

O‘rganish davomida mahallada aholi bandligini ta’minlash, tadbirkorlikni rivojlantirish va fuqarolarning daromad manbalarini kengaytirish maqsadida ajratilgan kredit mablag‘laridan samarali foydalanish holatiga alohida e’tibor qaratildi. Kredit mablag‘larining maqsadli yo‘naltirilishi hamda fuqarolarning bandligini ta’minlashga xizmat qilayotganligi yuzasidan tahliliy fikrlar bildirildi.

Shuningdek, yoshlar bandligini ta’minlash borasida amalga oshirilayotgan ishlar muhokama qilinib, hozirda 16 nafar yoshni ish bilan ta’minlash bo‘yicha tegishli choralarni ko‘rish zarurligi ta’kidlandi. Yoshlarning bo‘sh vaqtini mazmunli tashkil etish, ularning iqtidor va qobiliyatlarini qo‘llab-quvvatlash maqsadida “Besh tashabbus” doirasida amalga oshirilayotgan ishlar ham ko‘rib chiqildi.

Deputat tomonidan “Mahalla yettiligi” a’zolariga mavjud muammolarni o‘z vaqtida aniqlash, yoshlar bandligini ta’minlash va aholiga ko‘rsatilayotgan xizmatlar samaradorligini yanada oshirish bo‘yicha tegishli tavsiyalar berildi.