O‘zbekiston Respublikasi Oliy Majlisi Senati tomonidan qabul qilingan yangi qarorga ko‘ra (2026-yil 18-aprel, KQ-335-V-son), aholi murojaatlari bilan ishlash tizimi tubdan kuchaytirilmoqda.

Endilikda
Rahbarlar har chorakda aholi murojaatlari bo‘yicha hisobot beradi;
Muammolarni vaqtida hal qilmagan mansabdorlar faoliyatiga tanqidiy baho beriladi;
Deputatlar va mahalla faollari murojaatlarni joyiga chiqib o‘rganadi;
Har chorak yakunida barcha murojaatlar chuqur tahlil qilinadi;
Tizimli muammolar bo‘yicha aniq takliflar va deputat hamda Kengash so‘rovlari kiritiladi.

Shuningdek, Xalq qabulxonalari faoliyati yanada kuchaytirilib, fuqarolarning murojaat qilish huquqi to‘liq ta’minlanadi.

Eng muhimi endi murojaat — bu oddiy qog‘oz emas, balki javobgarlikni talab qiladigan hujjatga aylanmoqda.
Bu qaror — davlat organlari ochiqligi, hisobdorligi va eng asosiysi, odamlar muammosiga befarqlikni kamaytirish sari muhim qadamdir.