Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat Y.Xolmurotov tumanning “Bo‘ston” mahallasi Boʻston ko‘chasida joylashgan 6-sonli ko‘p qavatli uyning elektr energiyasi ta’minotidagi muammoni bartaraf etish ishlarini o‘rgandi.

🔺Fuqarolar bilan muloqotlar davomida ko‘p qavatli uy-joyda istiqomat qiluvchi aholi elektr energiyasi ta’minotida yuzaga kelayotgan muammolar, xususan, elektr tarmog‘idagi nosozliklar sababli ta’minot barqarorligi buzilayotgani yuzasidan murojaat qilgan.

🔺Mazkur murojaat deputat tomonidan joyiga chiqqan holda o‘rganilib, ko‘p qavatli uy-joyni elektr energiyasi bilan ta’minlovchi transformatorning texnik holati ko‘zdan kechirildi. O‘rganish natijasida transformatorda ta’mirlash ishlarini amalga oshirish zarurligi aniqlanib, tegishli mutasaddi tashkilotlar bilan hamkorlikda muammoni bartaraf etish choralari ko‘rildi.

🔺Deputatlik nazorati ostida transformatorda zarur ta’mirlash ishlari amalga oshirilib, elektr ta’minoti tizimining barqaror ishlashi uchun tegishli choralar ko‘rildi. Ta’mirlash ishlari yakunlangach, ko‘p qavatli uy-joyda istiqomat qiluvchi aholining elektr energiyasi ta’minoti bilan bog‘liq muammosi bartaraf etildi.