Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq Kengash raisi O.Babayev, kotibiyat mudiri J.Sadirov va Respublika Ma’naviyat va ma’rifat markazining tuman bo‘linmasi rahbari F.Fayzulloyeva tomonlaridan aholi va mehmonlarning madaniy hordiq chiqarishi uchun mo‘ljallangan tuman markazidagi “Bog‘i Eram” istirohat bog‘ida olib borilayotgan qurilish-ta’mirlash va obodonlashtirish ishlarining borishi o‘rganildi.

🟢O‘rganish davomida bog‘ hududida amalga oshirilayotgan ishlar bilan yaqindan tanishilib, obyektda qurilish jarayonining yakuniy bosqichiga kirilgani qayd etilib, hududni zamonaviy va yanada obod ko‘rinishga keltirish, aholi uchun qulay dam olish sharoitlarini yaratish maqsadida bir qator ishlar amalga oshirilayotganligi aniqlandi. Xususan, bog‘ hududidagi favvora va amfiteatrni ta’mirlash ishlari olib borilmoqda. Mazkur inshootlarni qayta ta’mirlash orqali bog‘ning estetik ko‘rinishini yaxshilash, madaniy tadbirlar va ommaviy dam olish uchun yanada qulay sharoit yaratish ko‘zda tutilgan.

🟢Shuningdek, bog‘ hududida piyodalar harakati uchun bruschatkalar yotqizish ishlari bajarilmoqda. Piyodalar yo‘laklarining tartibga keltirilishi tashrif buyuruvchilarning bog‘ hududida xavfsiz va qulay harakatlanishiga xizmat qilishi ta’kidlandi. Bog‘dagi muhim maskanlardan biri bo‘lgan “Shoirlar alleyasi”ni obodonlashtirish, tashqi ko‘rinishini yaxshilash va madaniy-ma’rifiy muhitni yanada boyitishga qaratilgan ishlar amalga oshirilmoqda.

🟢Bog‘ hududida piyodalar uchun qulay yo‘laklar, dam olish maskanlari va madaniy tadbirlar o‘tkaziladigan joylarning holatiga alohida e’tibor qaratish, xavfsizlik talablariga rioya etish hamda obodonlashtirish ishlarini sifatli yakuniga yetkazish bo‘yicha mas’ullarga tegishli tavsiyalar berildi. Obyektdagi ishlar yakuniga yetkazilishi va belgilangan vazifalarning sifatli bajarilishi ustidan deputatlik nazorati davom ettirishi belgilandi.

Bizni quyidagi tarmoqlarda kuzanishingiz mumkin: