Xalq deputatlari Termiz shahar Kengashining 19-“Ma’rifat” saylov okrugi deputati A.Mustafakulov hamda Kengash kotibiyati bosh mutaxassisi R.Mamashukurov “Ma’rifat” mahallasida bo‘lib, mahalla faollari va "yettilik" vakillarining bugungi kundagi faoliyatini atroflicha tahlil qildilar.

Mazkur nazorat-tahlil jarayoni mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari va O‘zbekiston Respublikasi Qonunlari ijrosini ta’minlash bo‘yicha tuzilgan maxsus savolnomalar asosida o‘tkazildi.

Xususan, quyidagi mas’ullar faoliyati tahlil qilindi:

Yoshlar yetakchisi faoliyati:

O‘zbekiston Respublikasining 2016-yil 14-sentabrdagi “Yoshlarga oid davlat siyosati to‘g‘risida”gi O‘RQ–406-sonli Qonuni asosida: Yoshlarning bo‘sh vaqtini mazmunli tashkil etish, ularni band qilish hamda "Yoshlar daftari"dagi fuqarolar bilan ishlash holati.

Ijtimoiy xodim faoliyati:

O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ–415-sonli Qonuni asosida: Keksalar, nogironligi bor fuqarolar va o‘zgalar parvarishiga muhtoj shaxslarga manzilli ijtimoiy xizmatlar ko‘rsatish ahvoli.

Xotin-qizlar faoli faoliyati:

O‘zbekiston Respublikasining 2019-yil 2-sentabrdagi “Xotin-qizlarni tazyiq va zo‘ravonlikdan himoya qilish to‘g‘risida”gi O‘RQ-561-sonli Qonuni asosida: Oila-turmush munosabatlarida tazyiq va zo‘ravonlikning oldini olish, "Himoya orderi" берилган xotin-qizlar bilan ishlash va "Ayollar daftari" ijrosi.

O‘rganishlar davomida deputat A.Mustafakulov mahalla mas’ullari bilan suhbatda shunday ta’kidladi:

"‘Mahalla yettiligi’ning har bir vakili o‘z sohasidagi qonunchilik talablarini chuqur bilishi va ularga qat’iy rioya etishi shart. Yoshlar, xotin-qizlar hamda ijtimoiy ko‘makka muhtoj fuqarolarimiz bilan manzilli va samimiy ishlaganimizdagina mahallamizda barqaror ma’naviy muhit va aholi roziligiga erishamiz."

Tahlil yakunida "Ma’rifat" mahallasi mas’ullariga qonun hujjatlarida belgilangan vazifalarni ijrosini o‘z vaqtida va sifatli ta’minlash, aholi murojaatlari bilan ishlashda manzillilikni oshirish yuzasidan tegishli amaliy tavsiya va ko‘rsatmalar berildi.

Qonun ustuvorligi hamda mahalla hamkorligi — xalqimiz farovonligi kafolatidir!