Xalq deputatlari Chinoz tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi Olimjon Dadajonov hamda Xalq deputatlari Chinoz tumani Kengashi kotibiyati mudiri Asqar Baxramov tomonidan O‘zbekiston Respublikasining 2019-yil 25-dekabrdagi “Investitsiyalar va investitsiya faoliyati to‘g‘risida”gi №O‘RQ-598-sonli Qonuni ijrosini o‘rganish maqsadida Chinoz tumani hokimligining Investitsiyalarni jalb qilish va eksportni rivojlantirish bo‘limi faoliyati o‘rganildi.

🔸 O‘rganish jarayonida:
🔹 Investitsiyalarni jalb etish va ulardan samarali foydalanish bo‘yicha amalga oshirilayotgan ishlar;
🔹 Investorlarga yaratilgan shart-sharoitlar hamda ularning huquq va qonuniy manfaatlarini himoya qilish choralari;
🔹 Investitsiya loyihalarini amalga oshirish, yangi ishlab chiqarish quvvatlarini yaratish va hududning investitsiyaviy jozibadorligini oshirish bo‘yicha olib borilayotgan ishlar ko‘rib chiqildi.

⚖️ Shuningdek, Qonunda belgilangan investitsiya faoliyati ishtirokchilarining huquq va majburiyatlari, investitsiyalarni davlat tomonidan qo‘llab-quvvatlash hamda investitsiya muhitini yanada yaxshilash yuzasidan belgilangan vazifalar ijrosi ham o‘rganildi.

🔺 Unga muvofiq:
🔹 Investitsiyalarni jalb etish, investorlarning huquq va qonuniy manfaatlarini kafolatli himoya qilish, qulay investitsiya muhitini yaratish hamda investitsiya loyihalarining samarali amalga oshirilishini ta’minlash davlat siyosatining ustuvor yo‘nalishlaridan biri etib belgilangan.

Mazkur qonun ijrosi yuzasidan doimiy komissiya raisi, deputat Olimjon Dadajonov tomonidan tuzilgan savolnoma bo'yicha o‘rganish o‘tkazildi. Shuningdek, Chinoz tumanida amalga oshirilgan ishlar yuzasidan tegishli mas’ul xodim M.Qodirovga yuklatilgan vazifalar yuzasidan tavsiyalar berib o'tdi.