Shundan so‘ng, Xalq deputatlari Termiz shahar Kengashi kotibiyati mudiri, deputat A.Ashurov hamda kotibiyat bosh mutaxassisi A.Temirovlar Kengashning 10-“Navro‘z” saylov okrugi deputati X.Xolmuminov okrugiga qarashli “Baynalminal” mahallasida bo‘lib, mahallada amalga oshirilayotgan ishlar yuzasidan mahalla raisi bilan suhbat o‘tkazdilar.

Suhbat davomida mahalla raisining hududdagi xonadonlar bilan ishlashi, aholini qiynayotgan masalalarni o‘z vaqtida aniqlash, ijtimoiy himoyaga muhtoj oilalarni qo‘llab-quvvatlash, aholi bandligini ta’minlash, obodonlashtirish va hudud infratuzilmasini yaxshilash borasidagi faoliyatiga alohida e’tibor qaratildi.

Muloqot davomida mahalla raisi tomonidan hududda mavjud ayrim muammolar, ularning kelib chiqish sabablari hamda yechimi yuzasidan amalga oshirilayotgan ishlar haqida ma’lumot berildi. Aniqlangan masalalarni tegishli tashkilotlar bilan hamkorlikda hal etish, ularning ijrosini nazoratga olish va aholi murojaatlariga manzilli yondashish zarurligi ta’kidlandi.

O‘rganish yakunida mahalladagi ishlarni yanada tizimli tashkil etish, aholi bilan bevosita muloqotni kuchaytirish, mavjud muammolarni joyida o‘rganish hamda ularni bosqichma-bosqich bartaraf etish yuzasidan tegishli tavsiya va takliflar bildirildi.