Xalq deputatlari Parkent tuman Kengashining 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna, 3-“Bog‘bon” saylov okrugidan saylangan deputat To‘layev Eldor Zafaritdin o‘g‘li hamda Xalq deputatlari Toshkent viloyati Kengashi deputati Gavhar Rizayeva tomonidan “Zero-Waste” MChJ Parkent tumani filialida deputatlik nazorati doirasida o‘rganish o‘tkazildi.O‘rganish davomida korxonaning moddiy-texnik bazasi, chiqindilarni belgilangan grafik asosida o‘z vaqtida olib chiqish holati, aholiga ko‘rsatilayotgan xizmatlar sifati, to‘lov intizomi hamda xodimlar uchun yaratilgan mehnat sharoitlari ko‘rib chiqildi.Moddiy-texnik baza 17 tachiqindi tashuvchi maxsus texnika,244 ta chiqindi konteyneri,3 ta chiqindi yig‘ish shoxobchasi,barcha maxsus texnikalarda GPS kuzatuv tizimi, 2022–2025-yillarda 4 ta yangi maxsus chiqindi tashuvchi avtomashina xarid qilingan.Aholini qamrab olish va tariflar.Filial tomonidan tumandagi 53 ta mahallaga xizmat ko‘rsatilmoqda. Jami 28 942 ta abonent, ya’ni 134 132 nafar aholi chiqindilarni olib chiqib ketish xizmati bilan qamrab olingan.Aholi uchun qattiq maishiy chiqindilarni yig‘ish va olib chiqib ketish xizmatining bir kishiga bir oylik tarifi 10 864 so‘m, yuridik shaxslar uchun 1 m³ chiqindi uchun 97 316,80 so‘m etib belgilangan.Xodimlar va ularga yaratilgan sharoitlar.Filialda jami 89 nafar ishchi-xodim faoliyat yuritmoqda. Jumladan, 18 nafar haydovchi, 29 nafar yuk ortuvchi va 24 nafar inspektor ishlamoqda.2026-yil iyul oyida haydovchilarning o‘rtacha ish haqi 5 265 443 so‘m, yuk ortuvchilarning o‘rtacha ish haqi esa 4 854 589 so‘mni tashkil etgan.Haydovchi va yuk ortuvchilar har kuni ishga chiqishdan oldin tibbiy ko‘rikdan o‘tkaziladi. Xodimlar uchun yuvinish joylari va alohida kiyinish xonasi tashkil etilgan hamda ular maxsus ishchi kiyimlari bilan ta’minlangan.Xodimlarning ishga kelib-ketishini nazorat qilish uchun Face ID tizimi, avtogaraj hududida esa kuzatuv kameralari o‘rnatilgan.Maxsus texnikalar mexanik va bosh muhandis ko‘rigidan o‘tkazilib, soz holatda bo‘lganidan keyin ishga chiqariladi.O‘rganish yakunida chiqindilarni o‘z vaqtida olib chiqish, mavjud texnika va konteynerlardan samarali foydalanish, sanitariya holatini ta’minlash hamda aholiga ko‘rsatilayotgan xizmatlar sifatini yanada oshirish masalalariga alohida e’tibor qaratildi.