Xalq deputatlari Parkent tuman Kengashiga 20-“Ulug‘bek” saylov okrugidan saylangan deputat Sultonov Azimjon O‘ktam o‘g‘li o‘ziga biriktirilgan tashkilot — O‘zbekiston Respublikasi Prezidentining Parkent tumanidagi Xalq qabulxonasi faoliyati bilan yaqindan tanishib,hamkorlikda ish olib bordi.Hamkorlik davomida jismoniy va yuridik shaxslarning murojaatlarini ko‘rib chiqish, fuqarolar tomonidan bildirilayotgan muammolarni aniqlash, ularni tegishli tashkilotlar bilan hamkorlikda hal etish hamda murojaatlarning qonuniy va amaliy yechimini ta’minlash borasidagi ishlar muhokama qilindi.Muloqotda aholi murojaatlarini o‘z vaqtida qabul qilish va belgilangan tartibda ko‘rib chiqish, murojaatlarda ko‘tarilgan masalalarning mazmun-mohiyatini chuqur o‘rganish hamda ularning ijobiy yechimini ta’minlashga alohida e’tibor qaratildi.Shuningdek, fuqarolar murojaatlarida takroran ko‘tarilayotgan muammolarni tizimli tahlil qilish, ularning kelib chiqish sabablarini aniqlash va mas’ul tashkilotlar bilan hamkorlikda bartaraf etish,ijrosi yuzasidan nazoratni kuchaytirish muhimligi qayd etildi.Kelgusida ham deputat va biriktirilgan tashkilot o‘rtasidagi hamkorlikni yanada mustahkamlash, aholi murojaatlarini o‘rganish,fuqarolarning qonuniy manfaatlarini himoya qilish hamda mavjud muammolarni joyida hal etishga qaratilgan ishlarni izchil davom ettirish belgilab olindi.