Toshkent shahrida O‘zbekiston davlat mustaqilligining 35 yilligiga bag‘ishlangan “Mustaqil O‘zbekiston – 35 yillik taraqqiyot yo‘li: islohotlar, natijalar va istiqbollar” mavzusidagi xalqaro ilmiy-amaliy konferensiya bo‘lib o‘tdi.

👉Konferensiya Qonunchilik palatasi va Oliy Majlis Senati, Adliya vazirligi, Qonunchilik va huquqiy siyosat instituti hamda Islom sivilizatsiyasi markazi hamkorligida tashkil etildi.

👥Tadbirda parlament palatalari spikerlari, vazirlar, xalqaro ekspertlar va diplomatik korpus vakillari, jumladan, BMTning O‘zbekistondagi doimiy koordinatori Sabine Mahl ishtirok etdi.

📝Anjumanda mamlakatimizda amalga oshirilayotgan keng ko‘lamli ijtimoiy-iqtisodiy va konstitutsiyaviy islohotlarning natijalari, parlament demokratiyasini rivojlantirish, qonunchilikni takomillashtirish hamda parlamentlararo hamkorlikni yanada mustahkamlash masalalari muhokama qilindi.

🇺🇿Xalq deputatlari Kengashi deputati Varapayeva Natalya Viktorovna ham mazkur xalqaro konferensiyada ishtirok etib, mamlakatimiz taraqqiyotining yangi bosqichi, amalga oshirilayotgan islohotlar va ularning jamiyat hayotidagi ahamiyati yuzasidan fikr almashdi.

🇺🇿Mustaqillik yillarida erishilgan yutuqlarni chuqur tahlil qilish va kelgusi taraqqiyot yo‘nalishlarini belgilash bunday nufuzli xalqaro muloqotlarning muhim ahamiyatini yanada oshiradi.

Bizni kuzatishda davom eting!