Oʻzbekiston Respublikasi Davlat mustaqilligining shonli 35 yilligi munosabati bilan barcha goʻshalarda boʻlgani kabi, Olmaliq kon-metallurgiya kombinatida ham “Yagona Vatan, yagona xalq boʻlib, yangi hayot va kelajak yaratamiz!” shiori ostida  “OKMKda Mustaqillik toʻyi” festivali koʻtarinki ruhda davom etmoqda.

✨ Navbatdagi bayram tadbiri OKMK O‘quv markazi hamda Muhandislik maktabi ahil mehnat jamoalari tomonidan yuksak saviyada tashkil etildi.
🎙 Tadbirda Xalq deputatlari Olmaliq shahar Kengashi raisi, OKMK qoshidagi O‘quv markazi rahbari Doniyor Karimov barcha shahar ahli va kombinat konchilarini, mutaxassislarni va yoshlarni yaqinlashib kelayotgan eng ulugʻ, eng  aziz bayram bilan samimiy muborakbod etdi. U oʻz nutqida mustaqillik yillarida mamlakatimizda va xususan kombinat tizimida erishilgan yutuqlar, malakali kadrlar tayyorlash va yangi davr muhandislarini tarbiyalashning bugungi kundagi ahamiyatiga alohida toʻxtalib oʻtdi.

🎶Bayram dasturi doirasida yigʻilganlarga manzur boʻladigan turli xil koʻngilochar shoular, intellektual va madaniy loyihalar taqdim etildi. Ayniqsa, “Metallurg” madaniyat saroyi ijodiy jamoalari va xushovoz xandandalari tomonidan tayyorlangan shoʻx kuy-qoʻshiqlar, jozibali raslar barchaga haqiqiy bayram kayfiyatini ulashdi.