Xalq deputatlari Qo‘qon shahar Kengashi deputati N.Shomatov tomonidan fuqaro murojaati asosida navbatdagi deputatlik so‘rovi yuborildi.

Saylovchilar bilan o‘tkazilgan uchrashuvlar va qabullar davomida Qo‘qon shahar “Davronbek” mahalla fuqarolar yig‘ini Shijoat ko‘chasi 23-uyda istiqomat qiluvchi fuqaro S.Madaminova tomonidan tadbirkorlik faoliyatini yo‘lga qo‘yish va rivojlantirish maqsadida kredit ajratish yuzasidan murojaat qilindi.

Murojaatda fuqaroning o‘z tadbirkorlik faoliyatini boshlashi va kengaytirishi uchun kredit imtiyozlaridan foydalanish hamda amaliy ko‘mak ko‘rsatilishi so‘ralgan.

Shu munosabat bilan deputat tomonidan Qo‘qon shahar Kambag‘allikni qisqartirish va bandlikka ko‘maklashish bo‘limi boshlig‘i M.Axmedovga deputatlik so‘rovi yuborildi.

Deputatlik so‘rovida:
1Qo‘qon shahar “Davronbek” MFY Shijoat ko‘chasi 23-uyda istiqomat qiluvchi fuqaro S.Madaminovaga tadbirkorlik faoliyatini yo‘lga qo‘yish va rivojlantirish maqsadida kredit ajratish masalasi qachon hal etilishi yuzasidan batafsil ma’lumot berilishi so‘ralgan.

Mazkur masala deputat nazoratiga olingan bo‘lib, deputatlik so‘roviga qonunchilikda belgilangan tartibda javob taqdim etilishi hamda murojaat yuzasidan amalga oshirilgan ishlar haqida qo‘shimcha ma’lumot berib boriladi.

Xalq deputatlari Qo‘qon shahar Kengashi