Xalq deputatlari Angor tumani Kengashi 12-Qodiriy saylov okrugi deputati Qo‘ziyeva Shoira tomonidan fuqarolar qabuli davomida kelib tushgan murojaatlar o‘rganilib, aholini qiynab kelayotgan muammolar yuzasidan tegishli choralar ko‘rilmoqda.Qabul jarayonida fuqarolar tomonidan tabiiy gaz ta’minotida bosimning pastligi sababli xonadonlarda gazdan to‘laqonli foydalanishda qiyinchiliklar yuzaga kelayotgani haqida murojaat bildirildi.

Mazkur masala deputat tomonidan o‘rganilib, fuqarolarning murojaati e’tiborsiz qoldirilmasdan, muammoni bartaraf etish hamda hududda gaz ta’minoti barqarorligini ta’minlash maqsadida mas’ul tashkilotga deputatlik so‘rovi yuborildi.

Deputatlik so‘rovida mavjud muammoning sabablarini aniqlash, gaz bosimini me’yorlashtirish va aholi uchun qulay hamda barqaror gaz ta’minotini yo‘lga qo‘yish bo‘yicha amaliy choralar ko‘rish so‘raldi.

Deputat fuqarolar murojaatlarining qonuniy manfaatlarini himoya qilish, ularni qiynayotgan masalalarni tegishli tashkilotlar bilan hamkorlikda hal etish bo‘yicha ishlar izchil davom ettirilmoqda.