Xalq deputatlari Angor tumani Kengashi 3-Gilambob saylov okrugi deputati Mavlonova Ra’no tomonidan Xomkon mahallasidagi 28-sonli maktabgacha ta’lim tashkilotida qonunlar targ‘iboti doirasida tadbir o‘tkazildi.Tadbir davomida “Aholining sanitariya-epidemiologik osoyishtaligi to‘g‘risida”gi O‘zbekiston Respublikasi Qonunining mazmun-mohiyati, O‘RQ-393-son Qonunning asosiy talablari hamda aholining sanitariya-epidemiologik osoyishtaligini ta’minlashdagi muhim jihatlar haqida tushuntirishlar berildi.

Xususan, sanitariya qoidalariga rioya qilish, sog‘lom va xavfsiz muhitni ta’minlash, yuqumli kasalliklarning oldini olish, shuningdek, fuqarolarning sanitariya-epidemiologik osoyishtalikni ta’minlash borasidagi huquq va majburiyatlari haqida batafsil ma’lumot berildi.
Targ‘ibot tadbirida ishtirokchilarning mazkur qonun yuzasidan fikr va mulohazalarni tinglab ularga tegishli tushuntirishlar berildi.

Bunday huquqiy targ‘ibot tadbirlari aholining huquqiy bilim va madaniyatini oshirish, sog‘lom turmush tarzini shakllantirish hamda sanitariya-epidemiologik osoyishtalikni ta’minlashda muhim ahamiyat kasb etadi.