Xalq deputatlari Angor tumani Kengashi 12-Qodiriy saylov okrugi deputati Qo‘ziyeva Shoira Allamuridovna tomonidan fuqarolarning huquqiy bilim va xabardorligini oshirish maqsadida “Fuqarolarning davlat pensiya ta’minoti to‘g‘risida”gi O‘zbekiston Respublikasi Qonuni (№938) mazmun-mohiyatiga bag‘ishlangan targ‘ibot tadbiri o‘tkazildi.

Tadbir davomida fuqarolarga mazkur qonunda belgilangan davlat pensiya ta’minotining asosiy prinsiplari, pensiya olish huquqi, pensiya tayinlash tartibi, zarur ish staji va pensiya ta’minoti bilan bog‘liq muhim huquqiy normalar haqida tushuntirishlar berildi.
Shuningdek, fuqarolarning pensiya ta’minoti sohasidagi huquq va qonuniy manfaatlarini bilishi, belgilangan tartibda murojaat qilishi hamda pensiya bilan bog‘liq masalalarda huquqiy savodxonligini oshirishi muhimligi ta’kidlandi.

Targ‘ibot tadbiri yakunida fuqarolarning pensiya ta’minotiga oid savollariga batafsil javoblar berilib, amaldagi qonunchilik talablariga rioya qilish bo‘yicha tavsiyalar bildirildi.Bunday targ‘ibot tadbirlari fuqarolarning huquqiy ongi va huquqiy madaniyatini yuksaltirish, ularning qonuniy huquq va manfaatlarini himoya qilishda muhim ahamiyat kasb etadi.